കേരള ബ്ലാസ്റ്റേഴ്സ് ആരാധകർക്ക് ഒരു ഞെട്ടിക്കുന്ന വാർത്ത. പുറത്ത് വരുന്ന റിപ്പോർട്ടുകൾ അനുസരിച്ച് മഞ്ഞപ്പടയുടെ ഡച്ച് പരിശീലകൻ എൽകോ ഷറ്റോരി ടീമിൽ നിന്ന് പുറത്തേക്ക്. ഈ സീസണിലെ ദയനീയമായ പ്രകടനമാണ് കോച്ചിന് ടീമിൽ നിന്നും പുറത്തേക്കുള്ള വഴി തുറന്നത്. ആദ്യ കളി ഈ സീസണിൽ ജയിച്ച ബ്ലാസ്റ്റേഴ്സ് പിന്നീട് ഒറ്റക്കളി പോലും ഐഎസ്എല്ലിൽ ജയിച്ചില്ല. ചെന്നൈയിൻ എഫ്സിക്കെതിരെ ഏറ്റ വമ്പൻ പരാജയമാണ് ഷറ്റോരിക്ക് പുറത്തേക്കുള്ള വഴി തുറക്കുന്നത്.
എല്ലാ തോൽവിക്കും താരങ്ങളെ പരിക്കിനേയും പ്രി സീസൺ നടക്കാത്തതിനേയും കുറ്റപ്പെടുത്തുന്ന പരിശീലകന്റെ അറ്റിറ്റ്യൂട് മാനേജ്മെന്റിന് ഇഷ്ടപ്പെട്ടിരുന്നില്ല. സ്വന്തം കഴിവ് കേട് മറക്കാൻ ടെക്ക്നിക്കാലിറ്റിയെ മറവാക്കുന്നെന്ന പരാതി ആരാധകർ ഉയർത്തിക്കഴിഞ്ഞു. സഹലിനെ ടീമിൽ എടുക്കാത്തതിനെതിരെ മഞ്ഞപ്പടയുടെ ആരാധകരിൽ നിന്നും ശക്തമായ പ്രതിഷേധം ഉയർന്നു കഴിഞ്ഞു.