ഇന്ത്യൻ സൂപ്പർ ലീഗിലെ രണ്ടാമത്തെ മത്സരത്തിൽ നോർത്ത് ഈസ്റ്റ് യുണൈറ്റഡ് മുംബൈ സിറ്റി എഫ്സിയെ പരാജയപ്പെടുത്തി. എതിരില്ലാത്ത ഒരു ഗോളിനാണ് മുംബൈ സിറ്റി എഫ്സിയെ ഹൈലാൻഡേഴ്സ് പരാജയപ്പെടുത്തിയത് .
ആദ്യ പകുതിയിൽ സൂപ്പർ താരങ്ങളുമായി ഇറങ്ങിയ മുംബൈക്ക് മുന്നിൽ നോർത്ത് ഈസ്റ്റ് പിടിച്ചു നിൽക്കാൻ സാധിച്ചു. എന്നാൽ രണ്ടാം പകുതിയിൽ മുംബൈയെ വീഴ്ത്താൻ നോർത്ത് ഈസ്റ്റിനായി. ആദ്യ പകുതി അവസാനിക്കാനിരിക്കെ മുംബൈയുടെ അഹ്മദ് ജാഹു ചുവപ്പ് കണ്ട് പുറത്ത് പോയി.
പെനാൽറ്റിയിലൂടെയാണ് നോർത്ത് ഈസ്റ്റ് യുണൈറ്റഡ് ഗോളടിച്ചത്. ക്വെസി അപ്പിയയാണ് നോർത്ത് ഈസ്റ്റിന് വേണ്ടി ലക്ഷ്യം കണ്ടെത്തിയത്. വലിയ താരങ്ങളായ ഒഗ്ബെചെ, ബൗമസ്, ലെ ഫോണ്ട്രെ, അഹ്മദ് ജഹു എന്ന് തുടങ്ങു പ്രമുഖരുടെ വലിയ നിര തന്നെ മുംബൈ സിറ്റി ഇലവനിൽ ഉണ്ട്. എന്നിട്ടും മുംബൈക്ക് ഗോളടിക്കാനായില്ല ഇന്ന്.
-Advertisement-