കേരള ബ്ലാസ്റ്റേഴ്സിന്റെ മാസ്റ്റർ സ്ട്രോക്ക്. വീണ്ടുമൊരു വിദേശതാരം കൊച്ചിയിലേക്ക്. ഓസ്ട്രേലിയൻ സ്ട്രൈക്കർ ജോർദാൻ മുറെ കേരള ബ്ലാസ്റ്റേഴ്‌സിലേക്കെത്തുന്നത്. ഏഷ്യൻ താരത്തിന്റെ ക്വൊട്ടയിലേക്കാണ് 26കാരനായ ഈ യുവതാരം എത്തുന്നത്. സെൻട്രൽ കോസ്റ്റ് മറൈനേഴ്സിന്റെ താരമായിരുന്നു ജോർദാൻ കുറേ. 2018 മുതൽ സെൻട്രൽ കോസ്റ്റ് മറൈനേഴ്സിന് വേണ്ടി 43 മത്സരങ്ങളിലാണ് താരം ബൂട്ട് അണിഞ്ഞിട്ടുള്ളത്.
7 ഗോളുകളും 4 അസിസ്റ്റും താരം നേടി. തന്റെ കരിയറിൽ ഓസ്ട്രേലിയൻ ക്ലബ്ബുകൾക്ക് വേണ്ടിയാണ് ജോർദാൻ കളിച്ചത്. സൗത്ത് കോസ്റ്റ് വോൾവ്സിലൂടെ കളിച്ചു തുടങ്ങിയ ജോർദാൻ ലെയ്ചാർഡ്,സെൻട്രൽ കോസ്റ്റ് മറെയ്നേഴ്സ് ക്ലബ്ബുകൾക്കായി കളിച്ചു. 2018 ൽ ഓസ്ട്രേലിയൻ നേഷൻസ് പ്രീമിയർ ലീഗിൽ ഗോൾഡൻ ബൂട്ട് നേടിയിട്ടുണ്ട് ജോർദാം മുറേ. ഗാരി “സൂപ്പർ” ഹൂപ്പറിനോടപ്പം ജോർദാൻ കൂടി ചേരുന്നതോടെ ബ്ലാസ്റ്റേഴ്സിന്റെ അക്രമണനിര കട്ട കലിപ്പാവും. ഏറെ വൈകാതെ കേരള ബ്ലാസ്റ്റേഴ്സ് ഒഫീഷ്യലായി ഈ സൈനിംഗ് പ്രഖ്യാപിക്കും.