കേരള ബ്ലാസ്റ്റേഴ്സ് ആരാധകർക്ക് ബുധനാഴ്ച എന്നാൽ അനൗൺസ്മെന്റ് ഡേ ആണ്. ബ്ലാസ്റ്റേഴ്സ് ഇത്തവണ സൈനിംഗുകൾ എല്ലാം പ്രഖ്യാപിച്ചത് ബുധനാഴ്ച ആണ്. ബ്ലാസ്റ്റേഴ്സ് ന്യൂസിന് ലഭിച്ച വിവരങ്ങൾ അനുസരിച്ച് ബ്രസീലിയൻ പ്രതിരോധ താരം മൈൽസൺ ആൽവെസിനെ കേരള ബ്ലാസ്റ്റേഴ്സ് ടീമിലെത്തിക്കും. ഇന്ത്യൻ സൂപ്പർ ലീഗിൽ അപരിചിതനല്ല മൈൽസൺ ആൽവെസ്. ചെന്നൈയിൻ എഫ്സിയുടെ പ്രതിരോധം മൂന്ന് സീസണുകളിൽ നയിച്ചത് അദ്ദേഹമായിരുന്നു.
ചെന്നൈയിൻ എഫ്സിയോടൊപ്പം ഇന്ത്യൻ സൂപ്പർ ലീഗ് കിരീടവും അദ്ദേഹമുയർത്തിയിട്ടുണ്ട്. ചെന്നൈയിനായി 43 മത്സരങ്ങൾ കളിച്ച താരം 8 ഗോളുകളും നേടി. 2015ലും 2017-18 സീസണിലും ചെന്നൈയിൻ കിരീടം നേടിയപ്പോൾ അദ്ദേഹം ടീമിലുണ്ട്. ഇന്ത്യൻ സൂപ്പർ ലീഗിൽ നോർത്ത് ഈസ്റ്റ് യുണൈറ്റെഡ് എഫ്സിക്ക് വേണ്ടിയും അദ്ദേഹം ബൂട്ട്കെട്ടിയിട്ടുണ്ട്. പോർച്ചുഗല്ലിൽ കരിയർ ആരംഭിച്ച മൈൽസൺ ആൽവെസ് ബ്രസീലിലും ഇറ്റലിയിലും കളിച്ചിട്ടുണ്ട്.