കേരള ബ്ലാസ്റ്റേഴ്സിന് കെഎസ്‌ഇബിയുടെ ഷോക്ക് ട്രീറ്റ്മെന്റ്

നിലവിലെ കെപിഎൽ ചാമ്പ്യന്മാരായ കേരള ബ്ലാസ്റ്റേഴ്സിന് കെഎസ്‌ഇബിയുടെ ഷോക്ക് ട്രീറ്റ്മെന്റ്. ഒന്നിനെതിരെ നാലു ഗോളുകള്‍ക്കാണ് 2014ലെ കിരീടജേതാക്കളായ കെഎസ്ഇബിയുടെ വമ്പൻ ജയം. നിജോ ഗില്‍ബെര്‍ട്ട് (33), എല്‍ദോസ് ജോര്‍ജ് (40), എം.വിഗ്‌നേഷ് (80) പി.അജീഷ് (87) എന്നിവരാണ് കെ എസ്‌ ഇ ബിക്ക് വേണ്ടി ഗോളടിച്ചത്.

കേരള ബ്ലാസ്റ്റേഴ്സിന്റെ ആശ്വാസ ഗോൾ നേടിയത് ഇഞ്ചുറി ടൈമില്‍ (90+4) നഓറം മഹേഷ് സിംഗാണ്. ഗ്രൂപ്പ് ജേതാക്കളായ കെ എസ്‌ ഇബി വമ്പൻ കുതിപ്പാണ് ഈ സീസണിൽ നടത്തിയത്.