നാളെ കൊച്ചിയിൽ ആദ്യ പ്രീ സീസൺ മത്സരത്തിനായി ബ്ലാസ്റ്റേഴ്സ് ഇറങ്ങുന്നു.നാളെ കൊചിയിലെ ആദ്യ പ്രീ സീസൺ മാച്ചിൽ കർണാടക ക്ലബായ സൗത്ത് യുണൈറ്റഡിനെയാണ് കേരള ബ്ലാസ്റ്റേഴ്സ് നേരിടുന്നത്. ബ്ലാസ്റ്റേഴ്സിന്റെ സൂപ്പർ താരങ്ങൾ എല്ലാം നാളെ കളത്തിൽ ഇറങ്ങും. പനമ്പള്ളി നഗർ സ്റ്റേഡിയത്തിൽ വെച്ചാകും കളി നടക്കുക.
ഇന്ത്യയിൽ ഏറ്റവും കൂടുതൽ ആരാധക നിര ഉള്ളതും ആരാധകരുടെ എണ്ണത്തിൽ ഏഷ്യയിൽ അഞ്ചാം സ്ഥാനവും ഉള്ള ഐഎസ്എൽ ടീമായ കേരള ബ്ലാസ്റ്റേഴ്സ് യുഎഇയിലെ പ്രീ സീസൺ ടൂർ റദ്ദാക്കി മടങ്ങിയിരുന്നു. പരിപാടിയുടെ പ്രമോട്ടറും സംഘാടകരുമായ മിച്ചി സ്പോർട്സ് കരാറിൽ വരുത്തിയ വീഴ്ചയെ തുടർന്നാണ് മടങ്ങാൻ ബ്ലാസ്റ്റേഴ്സ് തീരുമാനമെടുത്തത്.
കരാർപ്രകാരം ടീമിന്റെ താമസം, പരിശീലന സൗകര്യം എന്നിവ ഏർപ്പെടുത്തുന്നതിൽ മിച്ചി സ്പോർട്സ് പരാജയപ്പെടുകയായിരുന്നു. കരാർ പാലിക്കുന്നതിലും നടപ്പാക്കുന്നതിലും മിച്ചി സ്പോർട്സ് വീഴ്ചവരുത്തിയിരുന്നു. ഡച്ച് പരിശീലകൻ എൽകോ ഷറ്റോരിയെ അപമാനിച്ചതിനെ തുടർന്ന് പല അപമാനങ്ങളും സഹിച്ച ബ്ലാസ്റ്റേഴ്സ് ടൂർ റദ്ദാക്കി മടങ്ങുകയായിരുന്നു.
ക്ലോസ്ട് സ്റ്റേഡിയത്തിൽ ആയിരിക്കും മത്സരം. ആരാധകർക്ക് മത്സരം കാണാൻ പ്രവേശനം ഉണ്ടായിരിക്കില്ല. മുൻപ് ദുബായിയിൽ ഒരു പ്രീസീസൺ മത്സരം കേരള ബ്ലാസ്റ്റേഴ്സ് കളിച്ചിരുന്നു. ആ മാച്ച് സമനിലയിൽ ആയിരുന്നു അവസാനിച്ചത്. സൗത്ത് യുണൈറ്റഡുമായി ഒന്നിൽ കൂടുതൽ പ്രീസീസൺ മത്സരങ്ങൾ കേരള ബ്ലാസ്റ്റേഴ്സ് കൊച്ചിയിൽ കളിച്ചേക്കും.