കൊച്ചിയിൽ വീണ്ടും ജയം തേടി കേരള ബ്ലാസ്റ്റേഴ്സ് ഇറങ്ങുന്നു. കരുത്തരായ ഒഡീഷ എഫ്സിയാണ് ഇന്ന് മഞ്ഞപ്പടയുടെ എതിരാളികൾ. കൊച്ചിയിലെ ജവഹർലാൽ നെഹ്രു സ്റ്റേഡിയത്തിൽ 7.30ആണ് കിക്കോഫ്. മുംബൈ സിറ്റി , ഹൈദരാബാദ് എഫ്സി എന്നീ ടീമുകളോട് പരാജയപ്പെട്ടിരിക്കുകയാണ് കേരള ബ്ലാസ്റ്റേഴ്സ്. ഹോം ഗ്രൗണ്ടിൽ ആദ്യ അങ്കത്തിൽ കരുത്തരായ എടികെയെ പരാജയപ്പെടുത്തിയാണ് ബ്ലാസ്റ്റേഴ്സ് തുടങ്ങിയത്. പിന്നീട് മഞ്ഞപ്പട പരാജയങ്ങളുടെ പടുകുഴിയിലേക്ക് വീണു. ആർക്കസ്, ജിങ്കൻ എന്നിവർക്ക് ഒപ്പം സുയിവർലൂണും ഇപ്പോൾ പരിക്കിന്റെ പിടിയിൽ ആയിരിക്കുകയാണ്. പരിക്ക് ബ്ലാസ്റ്റേഴ്സിനെ വലക്കുന്നു.
എന്നാൽ ഹോം ഗ്രൗണ്ടിൽ ജയം നേടാമെന്ന പ്രതീക്ഷയിലാണ് മഞ്ഞപ്പട. മലയാളികളുടെ മെസ്യൂട്ട് ഓസിൽ സഹൽ ഇന്ന് ആദ്യ ഇലവനിൽ ഇറങ്ങുമോ എന്നും ആരാധ്കാർ ഉറ്റു നോക്കുന്നു. പ്രീ സീസൺ മത്സരങ്ങളിൽ കളിച്ചില്ലെന്നതിനാൽ സഹലിനെ ഷറ്റോരി ആദ്യ ഇലവൻ ചാൻസ് നൽകിയിട്ടില്ല. ബ്ലാസ്റ്റേഴ്സിലെ മലയാളി ബോയ്സ് രാഹുലും സഹലും വെടിക്കെട്ട് ഫോമിലാണ് പക്ഷേ. രണ്ടാം ജയം ലക്ഷ്യമാക്കിയാണ് ബ്ലാസ്റ്റേഴ്സ് ഇന്നിറങ്ങുന്നത്.