പ്രതിരോധ നായകൻ സന്ദേശ് ജിങ്കന് പകരക്കാരനെയെത്തിച്ച് കേരള ബ്ലാസ്റ്റേഴ്സ്. വെറ്ററൻ പ്രതിരോധ താരം രാജു ഗെയ്ക്വാദിനെയാണ് ബ്ലാസ്റ്റേഴ്സ് ടീമിലെത്തിച്ചത്. 29 കാരനായ രാജു വർഷങ്ങളുടെ പരിചയ സമ്പത്തുമായാണ് ബ്ലാസ്റ്റേഴ്സിലേക്കെത്തുന്നത്‌. 2018-19 സീസണിൽ ജെംഷദ്പൂർ എഫ്സിക്ക് വേണ്ടി ബൂട്ടണിഞ്ഞിട്ടുണ്ട് രാജു ഗെയ്ക്വാദ്.
ഈസ്റ്റ് ബംഗാൾ , എഫ്സി ഗോവ എന്നി ടീമുകൾക്ക് വേണ്ടിയും രാജു ഗെയ്ക്വാദ് ബൂട്ടണിഞ്ഞിട്ടുണ്ട്. പരിചയ സമ്പത്ത് കുറഞ്ഞ ജസലിനും ഹക്കുവിനും പകരം വർഷങ്ങളുടെ പരിചയ സമ്പത്ത് ഉള്ള ഗെയ്ക്വാദ് ആകും സുയിവർലൂണിനൊപ്പം ബ്ലാസ്റ്റേഴ്സിന്റെ സെന്റർ ബാക്ക് കൂട്ടുകെട്ടിലുണ്ടാവുക. നോർത്ത് ഈസ്റ്റിനെതിരായ ഇന്ത്യ ടീമിന്റെ സൗഹൃദ മത്സരത്തിലാണ് ജിങ്കന് പരിക്കേറ്റത്.
-Advertisement-