കേരള ബ്ലാസ്റ്റേഴ്സ് യുവ ഇന്ത്യൻ ക്യാപ്റ്റനെ റാഞ്ചി

കേരള ബ്ലാസ്റ്റേഴ്സ് യുവ ഇന്ത്യൻ ക്യാപ്റ്റനെ കൊച്ചിയിലേക്കെത്തിക്കും. ഇന്ത്യൻ യുവതാരങ്ങളിൽ ശ്രദ്ധേയനായ സ്ട്രൈക്കർ വിക്രം പ്രതാപ് സിംഗിനെയാണ് കേരള ബ്ലാസ്റ്റേഴ്സ് മഞ്ഞപ്പടയിലേക്ക് എത്തിക്കുനത്. താരവുമായുള്ള കരാർ ചർച്ചകൾ അവസാന ഘട്ടത്തിലാണ്. ഒഫീഷ്യലായ സ്ഥീതീകരണം ലോക്ക് ഡൗൺ പിന്വലിച്ചതിനു പിന്നാലെ വരും.

ഇപ്പോൾ ഇന്ത്യൻ ആരോസിന്റെ ക്യാപ്റ്റനാണ് വിക്രം പ്രതാപ് സിംഗ്. ഈ സീസണിൽ ഇതുവരെ ആരോസിനു വേണ്ടി നാലു ഗോളുകൾ വിക്രം നേടിയിട്ടുണ്ട്. ഇന്ത്യൻ യുവ ടീമുകളുടെയും നായകനായി ബൂട്ടണിഞ്ഞിട്ടുണ്ട് വിക്രം. ചണ്ഡീഗഢ് ഫുട്ബോൾ അക്കാദമിയിലൂടെ വളർന്ന താരമാണ്. മിനേർവ പഞ്ചാബിന്റെയും ഭാഗമയിട്ടുണ്ട് ഈ യുവതാരം. നാലു വർഷത്തെ കരാറിൽ ആകും വിക്രം പ്രതാപ് സിംഗിനെ മഞ്ഞപ്പട സ്വന്തമാക്കുന്നത്. വരുന്ന സീസണിൽ വിക്രമിനെ ഇന്ത്യൻ ആരോസിന് തന്നെ ലോണിൽ നൽകി കൂടുതൽ പ്ലേയിംഗ് ടൈം നൽകുന്നതിനെ കുറിച്ചും ബ്ലാസ്റ്റേഴ്സ് ചിന്തിക്കുന്നുണ്ട്.