കേരളാ ബ്ലാസ്റ്റേഴ്സിനെതിരെ കടുത്ത വിമർശനവുമായി ഇന്ത്യൻ ഇതിഹാസം ഐഎം വിജയൻ. കേരളത്തിന്റെ സന്തോഷ് ട്രോഫി ടീം ഇതിലും നന്നായി കളിക്കുമെന്നും ബ്ലാസ്റ്റേഴ്സ് മലയാളി ആരാധകരെ അപമാനിക്കുന്നുവെന്നും ഐഎം വിജയൻ ഒരു സ്വകാര്യ ടിവി ചാനലിനോട് പറഞ്ഞു. ഒഡീഷക്കെതിരായ മത്സരത്തിനിടെയിൽ മുഹമ്മദ് റാഫിയെ പിൻവലിച്ചത് അദ്ദേഹത്തെ അപമാനിക്കൽ ആണെന്നും ഐഎം വിജയൻ അഭിപ്രായപ്പെട്ടു.
കേരള ബ്ലാസ്റ്റേഴ്സ് അടച്ചു പൂട്ടുന്നതായിരിക്കും നല്ലത് എന്നും ഐ എം വിജയൻ പറഞ്ഞു. കേരളത്തിന്റെ സന്തോഷ് ട്രോഫി ടീം ഇതിലും നന്നായി കളിക്കും എന്നും ഐ എം വിജയൻ പറഞ്ഞു.
മുഹമ്മദ് റാഫിയെ കളിക്കിടെയിൽ പിൻവലിച്ചത് അദ്ദേഹത്തോടുള്ള അവഹേളനമാണെന്നും അദ്ദേഹം പറഞ്ഞു. ആദ്യ പകുതിയിൽ ഇറക്കി രണ്ടാം പകുതിയിൽ വലിച്ചത് മോശമാണ്. ആദ്യമേ ഓഗ്ബച്ചെയെ ഇറക്കുന്നതായിരുന്നു ഇതിനെക്കാൾ നല്ലത്.
-Advertisement-