കേരള ബ്ലാസ്റ്റേഴ്സ് ആരാധകരെ ഞെട്ടിക്കുന്ന ഒരു വാർത്ത ഇപ്പോൾ പുറത്ത് വരുന്നു. കേരള ബ്ലാസ്റ്റേഴ്സ് ക്യാപ്റ്റൻ ബർതലമോവ് ഒഗ്ബചെ ക്ലബ്ബ് വിടുന്നു. മറ്റ് ഐഎസ്എൽ ക്ലബ്ബുകളുമായി ഒഗ്ബചെ ചർച്ചകൾ തുടങ്ങിക്കഴിഞ്ഞു. വിദേശതാരങ്ങളുടെ ഉയർന്ന പ്രതിഫലം വെട്ടിക്കുറക്കാൻ ബ്ലാസ്റ്റേഴ്സ് തീരുമാനിച്ചിരുന്നു. 30%-40% പേ കട്ടാണ് ലക്ഷ്യം വെച്ചത്. അത്രയും ശമ്പളം കുറഞ്ഞതിനാൽ ബ്ലാസ്റ്റേഴ്സ് വിട്ട് കൂടിതൽ പ്രതിഫലം കിട്ടുന്ന ക്ലബ്ബിലേക്ക് പോവാനാണ് ഒഗ്ബചെയുടെ തീരുമാനം. മാധ്യമ പ്രവർത്തകനായ മാർക്കസ് മെർഗുലാവോയാണ് ഇക്കാര്യം വെളിപ്പെടുത്തിയത്.
കഴിഞ്ഞ സീസണിൽ 16 മത്സരങ്ങളിൽ മഞ്ഞപ്പടക്ക് വേണ്ടി ഐ എസ് എല്ലിൽ ബൂട്ടണിഞ്ഞ താരം 15 ഗോളുകളാണ് നേടിയത്. കേരള ബ്ലാസ്റ്റേഴ്സിന്റെ ചരിത്രത്തിൽ ഏറ്റവുമ വലിയ ഗോൾ വേട്ടക്കാരൻ കുടിയാണ് ഒഗ്ബചെ. ഓഗ്‌ബെച്ച ബ്ലാസ്റ്റേഴ്സ് വിട്ടേക്കുമെന്ന വാർത്ത ആരാധകരെ ഞെട്ടിച്ചിരിക്കുകയാണ്. ആദ്യം ജിങ്കൻ പിന്നാലെ ഒഗ്ബചെ. മഞ്ഞപ്പടക്ക് വമ്പൻ തിരിച്ചടിയാണിത്.