നോർത്ത് ഈസ്റ്റ് യുണൈറ്റെഡിൽ നിന്നും ബ്ലാസ്റ്റേഴ്സിലേക്ക് താരങ്ങളുടെ ഒഴുക്കായിരുന്നു. ഡച്ച് പരിശീലകനായ ഷറ്റോരിയും കഴിഞ്ഞ സീസണിൽ ഹൈലാന്റേഴ്സിനൊപ്പമായിരുന്നു. എന്നാൽ പതിവിന് വിപരീതമായി മുൻ ബ്ലാസ്റ്റേഴ്സ് താരത്തെ റാഞ്ചി നോർത്ത് ഈസ്റ്റ് യുണൈറ്റെഡ്. മുൻപ് മഞ്ഞപ്പടയുടെ താരമായിരുന്ന സുഭാഷിഷ് റോയ് ചൗധരിയെ നോർത്ത് ഈസ്റ്റ് യുണൈറ്റെഡ് സ്വന്തമാക്കി.
കഴിഞ്ഞ സീസണിൽ ജംഷദ്പൂർ എഫ് സിയുടെ താരമായിരുന്നു സുഭാഷിഷ്. അവസരങ്ങൾ കുറഞ്ഞതിനെ തുടർന്നാണ് നോർത്ത് ഈസ്റ്റിലേക്ക് പറന്നത്. കേരള ബ്ലാസ്റ്റേഴ്സിലേക്ക് വന്ന മലയാളി താരം ടിപി റഹ്നേഷിന് പകരക്കാരനായാണ് നോർത്ത് ഈസ്റ്റ് സുഭാശിഷിനെ എത്തിച്ചത്. ഐ എസ് എല്ലിൽ എഫ് സി ഗോവ, ഡെൽഹി ഡൈനാമോസ്, വേണ്ടിയും താരം ബൂട്ടണിഞ്ഞിട്ടുണ്ട്. മുൻ മോഹൻ ബഗാൻ താരം കൂടിയായിരുന്നു ശുഭാഷിഷ് .
-Advertisement-