കേരള ബ്ലാസ്റ്റേഴ്‌സിന്റെ പ്രിയ ക്യാപ്റ്റൻ ബൂട്ടഴിച്ചു

ആരാധകരുടെ കണ്ണിലുണ്ണിയും കേരള ബ്ലാസ്റ്റേഴ്‌സിന്റെ പ്രിയ ക്യാപ്റ്റനുമായ ആരോൺ ഹ്യൂസ് ബൂട്ടഴിച്ചു. ഇന്നലെ നടന്ന യൂറോ കപ്പ് യോഗ്യതാ മത്സരത്തിനു ശേഷമാണ് ഹ്യൂസ് വിരമിക്കൽ പ്രഖ്യാപിച്ചത്. അന്താരാഷ്ട്ര ഫുട്ബോളിൽ നിന്ന് മാത്രമല്ല എല്ലാ ഫുട്ബോൾ ഫോർമാറ്റിൽ നിന്നും ഹ്യൂസ് വിരമിച്ചു. മഞ്ഞപ്പടയുടെ ആരാധകരിൽ ഇത് ഞെട്ടലാണുണ്ടാക്കിയത്. കേരള ബ്ലാസ്റ്റേഴ്‌സിന്റെ ചരിത്രത്തിലെ ഏറ്റവും മികച്ച ക്യാപ്റ്റനായാണ് ആരാധകർ ഹ്യുസിനെ അവരോധിച്ചിരിക്കുന്നത്.

കഴിഞ്ഞ സീസണിൽ സ്കോട്ടിഷ് പ്രീമിയർ ലീഗ് ക്ലബായ ഹാർട്സിന് വേണ്ടി ആണ് ഹ്യുസ് ബൂട്ടണിഞ്ഞത്. ഇംഗ്ലീഷ് പ്രീമിയർ ലീഗ് ക്ലബായ ന്യൂകാസിൽ യുണൈറ്റഡ്, ഫുൾഹാം, ആസ്റ്റൺ വില്ല തുടങ്ങിയവർക്കായൊക്കെ ബൂട്ട് കെട്ടിയിട്ടുള്ള താരമാണ്. സ്റ്റീവ് കോപ്പലിന്റെ കീഴിൽ കേരള ബ്ലാസ്റ്റേഴ്സിനെ നയിച്ച ആരോൺ ഹ്യൂസ് ടീമിനെ ഫൈനൽ വരെ എത്തിച്ചിരുന്നു