ഇത് ശാപം തന്നെ…കേരള ബ്ലാസ്റ്റേഴ്സിന് പരിക്കിന്റെ ശാപം. സീസണിന്റെ തുടക്കത്തിൽ തന്നെ പ്രതിരോധ നായകൻ ജിങ്കനടക്കമുള്ള താരങ്ങൾ പരിക്കേറ്റ് പുറത്ത് പോയി. പിന്നാലെ വിദേശ താരങ്ങളും. ഇന്ന് ക്യാപ്റ്റൻ ഒഗ്ബചെയും പരിക്കേറ്റതായി സ്ഥിതികരണം വന്നു. രണ്ടാഴ്ച്ച ക്യാപ്റ്റനും പുറത്തിരിക്കും. അതിന് പിന്നാലെ വീണ്ടും ഒരു നിരാശ ജനിപ്പിക്കുന്ന വാർത്ത. കേരള ബ്ലാസ്റ്റേഴ്സ് സെന്റർ ബാക്ക് ഡ്രൊബാരോവിനും പരിക്കേറ്റതായി പരിശീലകൻ ഷറ്റോരി അറിയിച്ചു. പരിക്കേറ്റ ജൈറൊയ്ക്ക് പകരം രണ്ടാഴ്ച മുമ്പ് മാത്രമാണ് ദ്രോബറോവ് മഞ്ഞപ്പടയിലേക്ക് എത്തിയത്.
ദ്രോബറോവിന്റെ പരിക്ക് സാരമുള്ളത് അല്ല എങ്കിലും നാളെ കളിക്കാൻ ഇറങ്ങില്ല. വിദേശ താരങ്ങളായ ഒഗ്ബെചെ, സുയിവർലൂൺ, മുസ്തഫ, മരിയോ ആർക്കസ് എന്നിവരും പൂർണ്ണ ഫിറ്റ്നെസ് വീണ്ടെടുത്തിട്ടില്ല. പ്രീ സീസൺ കളിക്കാൻ കളിക്കാൻ കഴിയാത്തതാണ് ഇതിന് കാരണമായി ഡച്ച് പരിശീലകൻ എൽകോ ഷറ്റോരി പറയുന്നത്. സ്പോൺസർമാരുടെ ചതികാരണം ആണ് പ്രീ സീസണിൽ മഞ്ഞപ്പട മടങ്ങിയത്.