കേരള ബ്ലാസ്റ്റേഴ്സ് ആരാധകരെ പുകഴ്ത്തി പരിശീലകനായ കിബു വികൂന. കേരള ബ്ലാസ്റ്റേഴ്സിന്റെ ആരാധക ബലം ടീമിന് വലിയ കരുത്താകും എന്ന് കോച്ച് പറഞ്ഞു. ഇന്ത്യയിലെ മികച്ച ആരാധകരുള്ള കൊൽക്കത്തയിൽ നിന്നാണ് ഐ ലീഗ് ചാമ്പ്യന്മാരെ പരിശീലിപ്പിച്ച ശേഷം താൻ വരുന്നത്. അതുപോലെ തന്നെ വെടിക്കെട്ട് ആരാധകർ കേരളത്തിലും ഉണ്ടെന്നാണ് വികൂന പറയുന്നത് . മോഹൻ ബഗാൻ ആരാധകരെ പോലെ തന്നെ വലിയ പാഷൻ ഉള്ള ആരാധകർ ആണ് മഞ്ഞപ്പടയുടെ ആരാധകർ എന്നറിയാം എന്ന് വികൂന കൂട്ടിച്ചേർത്തു.
മഞ്ഞപ്പടയുടെ പിന്തുണയിൽ വിജയങ്ങൾ ഒരുപാട് നേടാം എന്നും കിരീടങ്ങൾ സ്വന്തമാക്കാം എന്നും വികൂന ആത്മവിശ്വാസം പ്രകടിപ്പിച്ചു. അറ്റാക്കിംഗ് ഫുട്ബോൾ ആണ് തന്റെ വഴി എന്ന് ആദ്യമേ പറഞ്ഞിരുന്നു. കേരള ബ്ലാസ്റ്റേഴ്സിൽ മികച്ച അറ്റാക്കിംഗ് ഫുട്ബോൾ കളിക്കുന്ന തകർപ്പൻ ടീമിനെ ആകും തങ്ങൾ ഒരുക്കുക എന്ന് വികൂന പറഞ്ഞു. കേരള ബ്ലാസ്റ്റേഴ്സിന്റെ പരിശീലകനാവാൻ ഇത്തരം ഒരു അവസരം നൽകിയ മാനേജ്മെന്റിന് നന്ദി പറഞ്ഞ് അവസാനിപ്പിച്ചു വികൂന.