കേരള ബ്ലാസ്റ്റേഴ്സ് ഇന്ന് ചെന്നൈയിനെതിരെ

ഐഎസ്എല്ലിൽ ഇന്ന് കേരള ബ്ലാസ്റ്റേഴ്സ് ചെന്നൈയിൻ എഫ്സിക്കെതിരെ ഇറങ്ങും. കൊച്ചിയിൽ ഇന്ന് ജയിച്ചാൽ പ്ലേ ഓഫ് സാധ്യതകൾ കേരള ബ്ലാസ്റ്റേഴ്സിനുണ്ട്. ഇന്ന് ജയം മാത്രം തേടിയാണ് ബ്ലാസ്റ്റേഴ്സ് ഇറങ്ങുന്നത്. ചെന്നൈയിനെതിരെ മികച്ച ഹോം റെക്കോർഡ് ഉള്ളത് മാത്രമാണ് കേരള ബ്ലാസ്റ്റേഴ്സിന്റെ പ്രതീക്ഷ. കൊച്ചിയിൽ വെച്ച് ഒരിക്കൽ മാത്രമെ കേരള ബ്ലാസ്റ്റേഴ്സ് ചെന്നൈയിനോട് തോറ്റിട്ടുള്ളു. നിലവിൽ കേരളത്തെക്കാൾ പ്ലേ ഓഫ് സാധ്യത ഉള്ള ടീമാണ് ചെന്നൈയി‌ൻ.

അവസാന മൂന്നു മത്സരങ്ങളും വിജയിച്ച ചെന്നൈയിൻ ഗംഭീര ഫോമിലുമാണ്. കേരള ബ്ലാസ്റ്റേഴ്സ് തുടർ പരാജയങ്ങളുടെ പിന്നാലെയാണ് ഇന്ന് ഇറങ്ങുന്നത്.