സന്ദേശ് ജിങ്കാൻ പോയാൽ എന്താ ഉടനെ തന്നെ പ്രതിരോധ താരത്തെ ടീമിലെത്തിക്കാൻ ബ്ലാസ്റ്റേഴ്സ്. ട്രാവുവിനു വേണ്ടി കളിച്ചിരുന്ന ധനചന്ദ്ര മീതെ ആണ് കേരള ബ്ലാസ്റ്റേഴ്സുമായി കരാർ ഒപ്പുവെച്ചിരിക്കുന്നത്. 25കാരനായ ധനചന്ദ്ര രണ്ട് വർഷത്തെ കരാറിലാകും ബ്ലാസ്റ്റേഴ്സിൽ എത്തുക. പൂനെ എഫ്സി പ്രൊഡക്റ്റായ ധനചന്ദ്രക്ക് ഐഎസ്എല്ലിൽ മികച്ച പ്രകടനം കാഴ്ച്ച വെക്കാൻ കഴിയുമെന്നാണ് പ്രതീക്ഷിക്കുന്നത്.
ലെഫ്റ്റ് ബാക്കിൽ ജെസെലിനും നിഷു കുമാറിനും ഒരു വെല്ലുവിളി ആകാൻ ധനചന്ദ്രയെ ബ്ലാസ്റ്റേഴ്സ് കൊച്ചിയിൽ എത്തിക്കുന്നു. ഈ സീസണിൽ ട്രാവുവിന്റെ ഐലീഗിലെ മികച്ച പ്രകടനങ്ങളിൽ ചുക്കൻ പിടിച്ചത് ധനചന്ദ്ര ആയിരുന്നു. ഇതിന് മുൻപ് നെരോക എഫ് സിയിൽ ആയിരുന്നു ധനചന്ദ്ര. അതിനു മുമ്പ് ഗോവൻ ക്ലബ്ബ് ചർച്ചിൽ ബ്രദേഴ്സിനു വേണ്ടിയും ഐലീഗ് കളിച്ചിട്ടുണ്ട്. ധനചന്ദ്രയുടെ ആദ്യ ഐ എസ് എൽ ക്ലബാകും കേരള ബ്ലാസ്റ്റേഴ്സ്.