വമ്പൻ ഓഫറുകൾ എല്ലാം കാറ്റിൽ പറത്തി ജസ്സൽ കേരള ബ്ലാസ്റ്റേഴ്സിൽ തുടരും. ഐഎസ്എല്ലിലെ വമ്പന്മാരുടെ ഓഫറുകൾ കാറ്റിൽ പറത്തിയാണ് താരം ബ്ലാസ്റ്റേഴ്സുമായി പുതിയ കരാർ ഒപ്പിട്ടത്. 29കാരനായ ജെസ്സെലിന്റെ ഐ എസ് എല്ലിലെ ആദ്യ ക്ലബാണ് കേരള ബ്ലാസ്റ്റേഴ്സ്. മൂന്ന് വർഷത്തെ കരാറിൽ ആണ് ജെസ്സെൽ ഒപ്പുവെച്ചത്. ഈ സീസണിൽ മഞ്ഞപ്പടയിൽ എത്തിയ താരം മികച്ച പ്രകടനം തന്നെയാണ് ഇതുവരെ കാഴ്ചവെച്ചത്.
സീസണിൽ കേരള ബ്ലാസ്റ്റേഴ്സിന്റെ എല്ലാ മത്സരങ്ങളിലും കളിച്ചിട്ടുള്ള താരമാണ് ജെസ്സെൽ. കഴിഞ്ഞ സന്തോഷ് ട്രോഫിയിൽ ഗോവയെ നയിച്ച മികവ് ആയിരുന്നു ജെസ്സെൽ അലൻ കാർനെരോയെ കേരള ബ്ലാസ്റ്റേഴ്സിൽ എത്തിച്ചത്. പ്രതിരോധതാരമായ ജെസ്സെലിനെ ഗോവൻ ക്ലബായ ഡെമ്പോയിൽ നിന്നായിരുന്നു കേരള ബ്ലാസ്റ്റേഴ്സ് സ്വന്തമാക്കിയത്.
-Advertisement-