ഐഎസ്എല്ലിൽ തോറ്റ് തുടങ്ങി കേരള ബ്ലാസ്റ്റേഴ്സ്. ഈ സീസണിലെ ആദ്യ മത്സരത്തിൽ എടികെ മോഹൻ ബഗാൻ 4-2നാണ് കേരള ബ്ലാസ്റ്റേഴ്സിനെ പരാജയപ്പെടുത്തിയത്. മോഹന്‍ ബഗാനു വേണ്ടി ഹ്യൂഗോ ബൗമസ്‌ ഇരട്ട ഗോളുകളും റോയി കൃഷ്‌ണ, ലിസ്‌റ്റണ്‍ കൊളാകോ എന്നിവര്‍ ഒരു ഗോള്‍ വീതവുമടിച്ചു.
കേരള ബ്ലാസ്റ്റേഴ്സിന് വേണ്ടി സഹല്‍ അബ്ദുൾ സമദും യോര്‍ഗെ പെരീരയും ഗോളടിച്ചു. കളിയുടെ തുടക്കം മുതൽ കൊൽക്കത്ത ആധിപത്യം കാണിച്ച് ജയം പിടിച്ചെടുക്കുകയായിരുന്നു. മലയാളി താരം കെപി രാഹുൽ പരിക്കേറ്റ് പുറത്തായതും കേരള ബ്ലാസ്റ്റേഴ്സിന് തിരിച്ചടിയായി.
-Advertisement-