ഇന്ത്യൻ സൂപ്പർ ലീഗിൽ വമ്പൻ മാറ്റങ്ങൾ. ഇനി ഐഎസ്എല്ലിൽ രണ്ട് കിരീടങ്ങൾ ഉണ്ടാകും. ഇന്ത്യൻ സൂപ്പർ ലീഗ് ഫൈനലിലെ വിജയികൾക്ക് കിട്ടുന്ന കിരീടത്തിന് പുറമേ ലീഗ് ജേതാക്കളായി ഒന്നാമതെത്തുന്നവർക്കും ഇനി കിരീടം ലഭിക്കും. ലീഗ് ഘട്ടത്തിൽ ആദ്യ എത്തുന്നവർക്ക് ഐ എസ് എൽ ഷീൽഡ് സമ്മാനം. ഐഎസ്എൽ ഷീൽഡിന് പുറമേ 50 ലക്ഷം സമ്മാന തുകയും ലീഗ് ജേതാക്കൾക്ക് ലഭിക്കും. നിലവിലെ സീസണിൽ തന്നെ 2 കിരീടം ഉണ്ടാകും.
നേരത്തെ ഇന്ത്യൻ സൂപ്പർ ലീഗ് ലീഗ് ഘട്ടത്തിൽ ഒന്നാമത് എത്തുന്നവർക്ക് എ എഫ് സി ചാമ്പ്യൻസ് ലീഗ് യോഗ്യത കിട്ടും എന്ന് എ ഐ എഫ് എഫ് പറഞ്ഞിരുന്നു. അതിനു പിന്നാലെയാണ് പുതിയ കിരീടവും സമ്മാന തുകയും. ഇതോടെ ലീഗിലെ ഫൈനൽ വിജയിക്കുന്നവരേക്കാൾ പ്രാധാന്യം ലീഗ് ജയിക്കുന്നവർക്ക് ആകും. ഈ സീസണിൽ ഗോവയോ എ ടി കെയോ ആകും ലീഗിൽ ഒന്നാമത് എത്തുക.
-Advertisement-