കേരള ബ്ലാസ്റ്റേഴ്സിന്റെ പ്രതിരോധ നായകൻ വരുന്നു. കേരള ബ്ലാസ്റ്റേഴ്സ് ഇന്ന് സോഷ്യൽ മീഡിയയിൽ നൽകിയ ക്ലൂ അനുസരിച്ചാണ് വരുന്നത് ബ്ലാസ്റ്റേഴ്സ് പ്രതിരോധ നായകൻ എന്നുറപ്പിച്ചത്. ബ്ലാസ്റ്റേഴ്സിന്റെ ഗാർഡിയനായി കോസ്റ്റ വരുന്ന കാര്യമാണ് ബ്ലാസ്റ്റേഴ്സ് സൂചിപ്പിച്ചത്. സിംബാബ്‌വെ പ്രതിരോധതാരം മഞ്ഞപ്പടയിൽ എത്തുന്നത് ആരാധകർക്ക് ആവേശമായി. സിംബാബ്‌വെ പ്രതിരോധനിര താരം കോസ്റ്റ എൻഹമോയ്ൻസുവിനെ സ്വന്തമാക്കി മലയാളികളുടെ സ്വന്തം കേരള ബ്ലാസ്റ്റേഴ്സ്. ഈ വിദേശ താരത്തെ ബ്ലാസ്റ്റേഴ്സ് സ്വന്തമാക്കുമെന്ന് ബ്ലാസ്റ്റേഴ്സ് ന്യൂസ് ദിവസങ്ങൾക്ക് മുൻപേ റിപ്പോർട്ട് ചെയ്തിരുന്നു.
കേരള ബ്ലാസ്റ്റേഴ്സിന്റെ പരിശീലകൻ കിബു വികൂനയുടെ പ്രത്യേക താത്പര്യമാണ് ഈ സൂപ്പർ താരത്തെ ക്ലബ്ബിലേക്കെത്തിക്കുന്നത്.
കേരള ബ്ലാസ്റ്റേഴ്സ് പരിശീലകനായ കിബു വിക്കുനയുടെ കീഴിൽ പോളിഷ് ക്ലബ്ബായ സാഗ്ലെബി ലുബിൻ എഫ്സിയിൽ കളിച്ചിട്ടുണ്ട് കോസ്റ്റ. കഴിഞ്ഞ ഏഴ് വർഷകാലം ചെക്ക് റിപ്പബ്ലിക് വമ്പന്മാരായ സ്പാർട്ട പ്രാഗുവിനായാണ് 34കാരനായ കോസ്റ്റ കളിച്ചത്. പ്രതിരോധത്തിൽ നായകനില്ലാതെ ഉഴലുന്ന മഞ്ഞപ്പടയുടെ പ്രതിരോധത്തിൽ കോസ്റ്റയുടെ വരവ് ഗുണം ചെയ്യുമെന്നാണ് ആരാധകർ പ്രതീക്ഷിക്കുന്നത്.