ഐ ലീഗ് കിരീടം ഉയർത്തി ഗോകുലം കേരള എഫ്സി. വമ്പൻ തീരിച്ച് വരവിലൂടെയാണ് ഗോകുലം ഇന്ന് ചരിത്രമെഴുതിയത്. ഇതാദ്യമായാണ് കേരളത്തിൽ നിന്ന് ഒരു ടീം ഐ ലീഗ് നേടുന്നത്. ആദ്യ പകുതിയിൽ ഒരു ഗോളിന് പിറകിൽ നിന്ന ശേഷം പൊരുതി കയറി 4-1ന് വിജയിച്ചാണ് ഗോകുലം ട്രാവുവിനെതിരെ ജയിച്ച് ചരിത്രം എഴുതിയത്. ബിദ്യാസാഗർ ആണ് ട്രാവുവിന്റെ ആശ്വാസ ഗോൾ നേടിയത്.
ആദ്യ ഗോളിൽ പകച്ച് നിന്ന ഗോകുലം പിന്നീട് തിരിച്ച് വന്നു. ആദ്യം ഫ്രീ കിക്കിലൂടെ ഷെരീഫ് മുഹമ്മദ് ഗോളടിച്ചു. പിന്നീട് മലയാളികളുടെ സ്വന്തം എമിൽ ബെന്നി ഗോകുലത്റ്റിന്റെ ഗോൾ ലീഡുയർത്തി. വൈകാതെ ആന്റ്വിയും പിന്നാലെ കളി അവസാനിക്കാനിരീക്കെ റാഷിദും ഗോകുലം കേരളക്ക് വേണ്ടി ഗോളടിച്ചു. എഎഫ്സി കപ്പിൽ കളിക്കാനുള്ള യോഗ്യതയും ഈ ചാമ്പ്യൻഷിപ്പ് നേട്ടത്തോടെ ഗോകുലം കേരള എഫ്സി വീണ്ടും ചരിത്രം കുറിക്കുകയാണ്.
-Advertisement-