ഇന്ത്യൻ സൂപ്പർ ലീഗ് ആരാധകരെ ഞെട്ടിച്ച് കൊണ്ട് ഡെൽഹി ഡൈനാമോസ്. സാക്ഷാൽ ലയണൽ മെസ്സിക്കൊപ്പം കളിച്ച ബാഴ്സലോണയുടെ സൂപ്പർ സ്റ്റാറിനെയാണ് ഡൈനാമോസ് സ്വന്തമാക്കിയത്. സെനഗളീസ് താരം ദിവാന്ദൊ ഡിയാഗ്നെയാണ് ഇന്ത്യൻ ക്യാപിറ്റലിൽ എത്തുന്നത്. ഡിഫൻസീവ് മിഡ്ഫീൽഡറായ 24 കാരൻ ദിവാന്ദൊ ഡിയാഗ്നെ ഡെൽഹിക്ക് ഇരട്ടിബലം നൽകും.
അടുത്ത സീസണിൽ കിരീടം നോട്ടമിട്ടാണ് ഡെൽഹിയുടെ നീക്കങ്ങൾ. ഒരു വർഷത്തെ കരാറിലാണ് താരം ഇന്ത്യയിലേക്കെത്തുന്നത്. ബാഴ്സയുടെ യൂത്ത് ടീമുകൾക്കായി കളിച്ചിരുന്ന ദിവാന്ദൊ ഡിയാഗ്നെ 2014 മുതൽ 2017 വരെ അവിടെയുണ്ടായിരുന്നു. ബെൽജിയൻ ക്ലബ്ബായ യൂപെനിൽ നിന്നാണ് ഐഎസ്എല്ലിലേക്കുള്ള വരവ്.
-Advertisement-