മഞ്ഞപ്പടയുടെ ആരാധകർക്ക് സന്തോഷ വാർത്ത. കേരള ബ്ലാസ്റ്റേഴ്സ് കൊച്ചിയിൽ എത്തിക്കുന്നത് മെസ്സിയുടെ നാട്ടിൽ നിന്നും ഒരു സൂപ്പർ സ്റ്റാറിനെ. അര്‍ജന്റീനന്‍ അറ്റാക്കിംഗ് മിഡ്ഫീല്‍ഡര്‍ ഫാക്കുണ്ടോ പെരേരയുമായി ബ്ലാസ്റ്റേഴ്സ് ചര്‍ച്ച ആരംഭിച്ചതായാണ് പ്രമുഖ സ്പോർട്സ് മാധ്യമമായ ഗോൾ റിപ്പോര്‍ട്ട് ചെയ്തത്. ബ്ലാസ്‌റ്റേഴ്‌സുമായി വൈകാതെ കോണ്ട്രാക്റ്റ് ഒപ്പ് വെക്കും ഈ സൂപ്പർ താരം.
ബ്യൂണസ് ഐറിസ് ക്ലബായ എസ്തൂഡിയന്‍സില്‍ ഫുട്‌ബോള്‍ കളിച്ചാന് ഫാക്കുണ്ടോ കളി ആരംഭിച്ചത്. 2006 മുതല്‍ 2009 വരെ ഫാക്കുണ്ടോ എസ്തൂഡിയന്‍സിന് വേണ്ടിയാണ് കളിച്ചത്. അവിടെ നിന്നും ചിലിയിലെ ക്ലബായ പാലസ്തീനോയിലേക്ക് എത്തി. പിന്നീട് യൂറോപ്യൻ ഫുട്ബോളിലും ഇദ്ദേഹം തിളങ്ങി.
ഗ്രീസ് ക്ലബ് പാവോക്കിന് വേണ്ടിയാണ് ഫാക്കുണ്ടോ കരിയറിലെ ഏറ്റവും മികച്ച പ്രകടനം കാഴ്ച്ചവെച്ചത്. 2014-15 സീസണില്‍ പാവോക്കിനായി 30 മത്സരങ്ങളില്‍ നിന്ന് 11 ഗോളുകള്‍ നാല് അസിസ്റ്റും അദ്ദേഹം സ്വന്തമാക്കിയിരുന്നു. ഇപ്പോൾ സൈപ്രസ് ക്ലബ് അപ്പോളോ ലിമസോളിന് വേണ്ടിയാണ് ഫാക്കുണ്ടോ കളിക്കുന്നത്. അവിടെ രണ്ട് സീസണുകളിലായ 39 മത്സങ്ങള്‍ കളിച്ച താരം 14 ഗോളും നേടിയിട്ടുണ്ട്.