മുന്‍ കേരളാ ബ്ലാസ്റ്റേഴ്‌സ് താരം വിരമിക്കുന്നു

മഞ്ഞപ്പടയുടെ മുന്‍ താരം മെഹ്താബ് ഹുസൈന്‍ ബൂട്ടഴിക്കുന്നു. കേരളം ബ്ലാസ്റ്റേഴ്‌സിന്റെ തുടക്കത്തിൽ ടീമിന്റെ അവിഭാജ്യ ഘടകമായിരുന്നു ഈ വെറ്ററൻ താരം. ഇപ്പോൾ കൊൽക്കത്തൻ ടീമായ മോഹൻ ബഗാന് വേണ്ടി കളിക്കുന്ന മെഹ്താബ് ഹുസൈന്‍ കൊൽക്കത്തൻ ലീഗിന് ശേഷം വിരമിക്കുമെന്നാണ് പറഞ്ഞത്.

തുടർച്ചയായ മൂന്നു ഇന്ത്യൻ സൂപ്പർ ലീഗ് സീസണിലും കേരളാ ബ്ലാസ്റ്റേഴ്‌സിന്റെ താരമായിരുന്നു മെഹ്താബ് ഹുസ്സൈൻ. മഞ്ഞപ്പടയ്ക്ക് വേണ്ടി 38 മത്സരങ്ങള്‍ കളിച്ച മെഹ്താബ് ജംഷഡ്പൂര്‍ എഫ് സിക്ക് വേണ്ടിയാണ് കഴിഞ്ഞ സീസണിൽ കളിച്ചത്. ടോളിഗുഞ്ച് അഗ്രഗാമി, ഒ എന്‍ ജി സി എഫ് സി, ഈസ്റ്റ് ബംഗാള്‍ തുടങ്ങിയ ക്ലബുകള്‍ക്ക് വേണ്ടിയും മെഹ്താബ് ഹുസൈന്‍ ബൂട്ടണിഞ്ഞിട്ടുണ്ട്. 2005-15 കാലഘട്ടത്തിലായി 29 അന്താരാഷ്ട്ര മത്സരങ്ങളും താരം കളിച്ചിട്ടുണ്ട്. 2 ഗോളുകളാണ് നീല ജേഴ്‌സിയിൽ ഇന്ത്യക്ക് വേണ്ടി അദ്ദേഹം നേടിയത്.