കേരള ബ്ലാസ്റ്റേഴ്സിൽ സിഡോഞ്ചക്ക് പകരക്കാരനെത്തി. ഐഎസ്എല്ലിൽ ഈ താരം ജനുവരിയിൽ കളത്തിലിറങ്ങും എന്നും കോച്ച് കിബു വുകൂന പറഞ്ഞു. ഉടൻ തന്നെ സാങ്കേതികമായ കടമ്പകൾ കൂടെ കടന്ന് പുതിയ താരം കേരള ബ്ലാസ്റ്റേഴ്സ് സ്ക്വാഡിനൊപ്പം ചേരും. ക്വാരന്റൈൻ ഒക്കെ കഴിഞ്ഞ് ജനുവരി ആദ്യ വാരം തന്നെ കേരള ബ്ലാസ്റ്റേഴ്സ് ജേഴ്സിയിൽ താരം ഇറങ്ങും എന്നും കോച്ച് കൂട്ടിച്ചേർത്തു.
ബ്ലാസ്റ്റേഴ്സ് ന്യൂസിന് കിട്ടിയ വിവരമനുസരിച്ച് എ ലീഗിലെ സൂപ്പർ താരമാണ് ഐഎസ്എല്ലിൽ എത്തുന്നത്. പെർത് ഗ്ലൊറിയുടെ താരം ജുവാൻഡെയാണ് കേരളത്തിൽ എത്തുന്നത്. സ്പാനിഷ് ഡിഫൻസീവ് മിഡ്ഫീൽഡറായ ജുവാൻഡേ റയൽ ബെറ്റിസിലൂടെയാണ് കളി ആരംഭിക്കുന്നത്. റയൽ മാഡ്രിഡിനെതിരെ കളിച്ചാണ് ജുവാൻഡേ അരങ്ങേറ്റം കുറിച്ചത്. ബെറ്റിസ്, ഗ്രനാഡ, സ്പെസിയ എന്നീ റ്റീമുകൾക്ക് വേണ്ടി ഇദ്ദേഹം കളിച്ചുട്ടുണ്ട്.
-Advertisement-