ബ്ലാസ്റ്റേഴ്സ് ഡാ!! പെരെരയും മുറേയും അടിച്ചു, മുംബൈ സിറ്റിയെ തകർത്ത് മഞ്ഞപ്പട

ബ്ലാസ്റ്റേഴ്സ് ഡാ!. മുംബൈ സിറ്റി എഫ്സിക്കെതിരായ സൗഹൃദമത്സരത്തിൽ തകർപ്പൻ ജയവുമായി കേരള ബ്ലാസ്റ്റേഴ്സ്. കേരള ബ്ലാസ്റ്റേഴ്സിന്റെ ആശങ്കകളെ അകറ്റിക്കൊണ്ട് മുംബൈക്കെതിരെ ഫാകുണ്ടോ പെരെരയും ജോർദാൻ മുറേയും ഗോളടിച്ചു. ഒന്നിനെതിരെ മൂന്ന് ഗോളുകൾക്കാണ് കേരള ബ്ലാസ്റ്റേഴ്സ് മുംബൈ സിറ്റിയെ പരാജയപ്പെടുത്തിയത്.

എകപക്ഷിയമായ പ്രകടനത്തിലൂടെയാണ് മുംബൈ സിറ്റിയെ മഞ്ഞപ്പട തകർത്തത്. ഗിൽ, രോഹിത്ത്,ഹക്കു, ഗിവ്സൺ, ഫകുണ്ടോ, ജോർദാൻ മുറേ തുടങ്ങിയ ബ്ലാസ്റ്റേഴ്സ് താരങ്ങൾ അണിനിരന്ന മത്സരത്തിൽ പക്ഷേ മുംബൈ സിറ്റി പ്രമുഖ താരങ്ങളെ ഇറക്കിയിരുന്നില്ല‌. നോർത്ത് ഈസ്റ്റ് യുണൈറ്റഡിനെതിരായ മത്സരത്തിന് ശേഷം പല താരങ്ങൾക്കും വിശ്രമം അനുവധിക്കുകയായിരുന്നു.