കേരള ബ്ലാസ്റ്റേഴ്‌സ് ആരാധകർ കാത്തിരുന്ന പ്രഖ്യാപനം നടത്തി. ഈ സീസണിൽ കേരള ബ്ലാസ്റ്റേഴ്സിനെ നയിക്കുക ആരെന്ന ചോദ്യമായിരുന്നു ആരാധകരെ അലട്ടിയിരുന്നത്. ഒടുവിൽ ആ ചോദ്യത്തിന് ഉത്തരമായി. മൂന്ന് താരങ്ങളാകും ഇത്തവണ ബ്ലാസ്റ്റേഴ്സിനെ നയിക്കുക. കോസ്റ്റ, സിഡോഞ്ച,ജെസ്സെൽ എന്നിവർ ഇത്തവണ കേരള ബ്ലാസ്റ്റേഴ്സിനെ നയിക്കും. യൂറോപ്യൻ ചാമ്പ്യൻഷിപ്പിലെ മികച്ച പ്രകടങ്ങൾ വലിയ അനുഭവസമ്പത്തുമാണ് കോസ്റ്റയുടെ പിൻബലം.
സ്പാർട്ട പ്രഗിന് വേണ്ടി ഏഴു സീസണികൾ ആണ് അദ്ദേഹം കളിച്ചത്. അതേ സമയം സിഡോ ബ്ലാസ്റ്റേഴ്സിന്റെ സ്വന്തം താരമാണ്. കഴിഞ്ഞ സീസണിൽ മികച്ച പ്രകടനം അദ്ദേഹം കാഴ്ച്ചവെച്ചിരുന്നു. അതേ സമയം ഇന്ത്യൻ താരങ്ങളിൽ ഒരാളെ ക്യാപ്റ്റൻ ആക്കുക എന്ന തീരുമാനവും കിബുവിന്റെ ഭാഗത്ത് നിന്നുണ്ടായി. അങ്ങനെയാണ് കഴിഞ്ഞ സീസണിൽ വെടിക്കെട്ട് പ്രകടനം കാരണം ഫുട്ബോൾ ലോകത്തിന്റെ ശ്രദ്ധയാകർഷിച്ച ജെസ്സെലും ക്യാപ്റ്റനാകുന്നത്.