മഞ്ഞപ്പടക്ക് അങ്ങ് പോളണ്ടിലുമുണ്ടെടാ പിടി!!!, ബ്ലാസ്റ്റേഴ്സ് കോച്ചിനെ ഞെട്ടിച്ച് ആരാധകർ

കിബു ആശാനേ ഞങ്ങളെത്തി. ഞെട്ടിത്തരിച്ച പരിശീലകൻ കിബു വികൂനക്ക് മുന്നിൽ പ്രത്യക്ഷപ്പെട്ട് കേരള ബ്ലാസ്റ്റേഴ്സ് ആരാധകക്കൂട്ടയ്മയായ മഞ്ഞപ്പടയിലെ അംഗങ്ങൾ. അക്ഷരാർഥത്തിൽ കിബു ഞെട്ടിത്തരിച്ചു. യൂറോപ്പിലെ ഒരു കോണിലുള്ള പോളണ്ടില്‍ ബ്ലാസ്‌റ്റേഴ്‌സ് ആരാധകര്‍ തന്നെ തേടി വരുമെന്ന് കിബു വികൂന കരുതികാണില്ല. ചന്ദ്രനിൽ പോയാലും അവിടെ ഒരു മലയാളി കാണുമെന്ന സിനിമാ ഡയലോഗ് ശരിവെക്കുന്ന തരത്തിലായിരുന്നു കിബു വികൂനയുടെ അനുഭവം.

കോച്ചിനെ കണ്ടെത്തിയ ആരാധകർ അദ്ദേഹത്തോട് സംസാരിക്കുകയും മഞ്ഞപ്പടയുടെ ബാനറിന് കീഴില്‍ കിബുവിനേയും ഭാര്യയേയും നിര്‍ത്തി ഫോട്ടോയ്ക്ക് പോസ് ചെയ്യുകയും ചെയ്തു ആരാധകര്‍. പോളണ്ടിലെ വരവേൽപ്പ് കണ്ട് ഞെട്ടിയ കിബു വികൂനയോട് കൊച്ചിയിലേക്ക് എത്താൻ പറഞ്ഞിരിക്കുകയാണ് കേരള ബ്ലാസ്റ്റേഴ്സ് ആരാധകർ