കേരള ബ്ലാസ്റ്റേഴ്സിലെ സാമ്പത്തിക പ്രതിസന്ധി ട്രാൻസ്ഫറിനെ ബാധിക്കുന്നു. കൊച്ചിയിൽ എത്തുമെന്ന് ഉറപ്പിച്ചിരുന്ന ഇന്ത്യൻ യുവതാരം മുബൈയിലേക്ക് പറക്കുന്നു. സിറ്റി ഗ്രൂപ്പിന്റെ പണക്കൊഴുപ്പിന് മുന്നിൽ പിടിച്ച് നിൽക്കാനാവില്ലെന്ന് തിരിച്ചറിഞ്ഞ ബ്ലാസ്റ്റേഴ്സ് പിന്മാറിയെന്നാണ് വിവരം. ബ്ലാസ്റ്റേഴ്സിലെ പ്രതിസന്ധി കൈവിട്ടു പോകുന്ന നിലയ്ക്കാണെന്നാണ് റിപ്പോർട്ടുകൾ.
ഇപ്പോൾ ഇന്ത്യൻ ആരോസിന്റെ ക്യാപ്റ്റനാണ് വിക്രം പ്രതാപ് സിംഗ്. ഈ സീസണിൽ ഇതുവരെ ആരോസിനു വേണ്ടി നാലു ഗോളുകൾ വിക്രം നേടിയിട്ടുണ്ട്. ഇന്ത്യൻ യുവ ടീമുകളുടെയും നായകനായി ബൂട്ടണിഞ്ഞിട്ടുണ്ട് വിക്രം. ചണ്ഡീഗഢ് ഫുട്ബോൾ അക്കാദമിയിലൂടെ വളർന്ന താരമാണ്. മിനേർവ പഞ്ചാബിന്റെയും ഭാഗമയിട്ടുണ്ട് ഈ യുവതാരം. നാലു വർഷത്തെ കരാറിൽ ആകും വിക്രം പ്രതാപ് സിംഗിനെ മുംബൈ ടീം സ്വന്തമാക്കുന്നത്. വരുന്ന സീസണിൽ വിക്രമിനെ ഇന്ത്യൻ ആരോസിന് തന്നെ ലോണിൽ നൽകി കൂടുതൽ പ്ലേയിംഗ് ടൈം നൽകുന്നതിനെ കുറിച്ചും മുംബൈ സിറ്റി ചിന്തിക്കുന്നുണ്ട്.