“കേരള ബ്ലാസ്റ്റേഴ്സിലേക്ക് കൊൽക്കത്തയിൽ നിന്നും യുവതാരം വരും”

കേരള ബ്ലാസ്റ്റേഴ്സിലേക്ക് കൊൽക്കത്തയിൽ നിന്നും യുവതാരം വരുമെന്ന് പറഞ്ഞ് പുതിയ പരിശീലകൻ കിബു വികൂന. മോഹൻ ബഗാനിൽ നിന്ന് ഒരു യുവതാരം കേരള ബ്ലാസ്റ്റേഴ്സിൽ എത്തുമെന്ന് കേരള ബ്ലാസ്റ്റേഴ്സിന്റെ സൈനിംഗുകളെ കുറിച്ച് ചോദിച്ചപ്പോൾ ആയിരുന്നു വികൂന മറുപടി പറഞ്ഞത്. ട്രാൻസ്ഫർ നീക്കങ്ങൾ അണിയറയിൽ നടക്കുന്നുണ്ട് ബഗാൻ താരം വൈകാതെ എത്തുമെന്നും അദ്ദേഹം പറഞ്ഞു.

അതേ സമയം ആ യുവ താരത്തിന്റെ പേര് പറയാൻ വികൂന തയ്യാറായില്ല. കഴിഞ്ഞ സീസണിൽ മോഹൻ ബഗാനെ ചാമ്പ്യന്മാരാക്കിയ കിബു വികൂന ആ ക്ലബിലെ വിദേശ താരങ്ങളെ സൈൻ ചെയ്യാൻ ശ്രമം നടത്തുന്നുവെന്ന് വാർത്ത്കൾ വന്നിരുന്നു . കേരള ബ്ലാസ്റ്റേഴ്സിലേക്ക് എത്തുന്നത് സുബ ഘോഷോ എസ് കെ സാഹിലോ ആയിരിക്കും എന്നാണ് ബ്ലാസ്റ്റേഴ്സ് ന്യൂസിന്റെ അനുമാനം.