കേരള ബ്ലാസ്റ്റേഴ്സിൽ എത്തിയത് ഉറക്കമില്ലാത്ത രാത്രികൾ താണ്ടിയാണെന്ന് മലയാളിളുടെ ഇഷ്ട താരം ജെസ്സെൽ. കഴിഞ്ഞ സീസണിലെ ഇന്ത്യൻ സൂപ്പർ ലീഗ് കേരളാ ബ്ലാസ്റ്റേഴ്സിന് നിരാശ സമ്മാനിച്ചെങ്കിലും ആരാധകർക്ക് ആശ്വാസമായത് ജെസ്സെൽ കർനെയ്‌റോ എന്ന പ്രതിരോധനിര താരത്തിന്റെ വെടിക്കെട്ട് പ്രകടനം ആയിരുന്നു. ലെഫ്റ്റ്-ബാക്ക് റോളിൽ മഞ്ഞപ്പടക്ക് വേണ്ടി ബൂട്ട് കെട്ടി മിന്നുന്ന പ്രകടനം കാഴ്ചവെച്ച ജെസ്സെൽ, സീസണിലെ ബ്ലാസ്റ്റേഴ്സിന്റെ ഏറ്റവും മികച്ച താരമാണെന്ന് ആരാധകരും സമ്മതിക്കും.
ബ്ലാസ്റ്റേഴ്സ് മുൻ താരവും പരിശീലകനുമായ ഇഷ്ഫാഖ് അഹമ്മദ് വഴിയാണ് താൻ ബ്ലാസ്റ്റേഴ്സിൽ എത്തിയത് എന്ന് വെളിപ്പെടുത്തിയിരിക്കുകയാണ് ജെസ്സെൽ. പ്രമുഖ സ്പോർട്സ് വെബ്സൈറ്റിന് നൽകിയ അഭിമുഖത്തിലാണ് താരം ബ്ലാസ്റ്റേഴ്സിൽ എത്തിയത് എങ്ങനെയെന്ന് വെളിപ്പെടുത്തിയത്.
കേരള ബ്ലാസ്റ്റേഴ്സിലേക്ക് എത്തിച്ചത് ഇഷ്ഫാക്ക് ആണ്. കരാർ ഒപ്പിടുന്നത് വരെ പണത്തെക്കുറിച്ച് പോലും അന്വേഷിച്ചിരുന്നില്ല.
ക്ലബ് കോൺട്രാക്ട് സൈൻ ചെയ്യുന്നത് വരെ എനിക്ക് ഉറക്കമില്ലായിരുന്നു. കളിക്കാൻ വേണ്ടി അത്രക്കും കാത്തിരിക്കുകയായിരുന്നു, മാത്രമല്ല അവസരം കിട്ടിയാൽ, പ്രകടനം കാഴ്ച വെക്കുക എന്നത് എന്റെ ജോലിയാണെന്ന് അറിയാമായിരുന്നു – ജെസ്സെൽ ആവേശത്തോടെ വിവരിച്ചിരുന്നു.
മറ്റു ഐഎസ്എൽ ക്ലബ്ബുകളിൽ നിന്നും ഓഫറുകൾ ഉണ്ടായിരുന്നു എങ്കിലും മഞ്ഞപ്പട വിടാൻ മനസ് വന്നില്ല. എന്തെന്നാൽ തനിക്ക് മികച്ച പ്രകടനം വെക്കാൻ ഒരു പ്ലാറ്റ്‌ഫോം തന്ന ബ്ലാസ്റ്റേഴ്സ് വിടാൻ മനസ് അനുവധിച്ചില്ല. കേരള ബ്ലാസ്റ്റേഴ്സുമായുള്ള കരാർ ദീർഘിപ്പിക്കാനാണ് ഇപ്പോൾ തീരുമാനിച്ചതെന്നും ജെസ്സെൽ പ്രഖ്യാപിച്ചു.