ചെന്നൈയിൻ എഫ്സിയുടെ ഗോളടിവീരനെ റാഞ്ചാൻ കേരള ബ്ലാസ്റ്റേഴ്സ്. ചെന്നൈയിൻ എഫ്സിയുടെ വെടിക്കെട്ട് താരം നെരിജസ് വാൽസ്കിസിനെ സ്വന്തമാക്കുകയാണ് കേരള ബ്ലാസ്റ്റേഴ്സ്. വമ്പൻ ഓഫറ് നൽകിയാണ് ഈ വിദേശ താരത്തെ കൊച്ചിയിലെത്തിക്കാൻ ബ്ലാസ്റ്റേഴ്സ് ശ്രമിക്കുന്നത്. ഐഎസ്എല്ലിലെ ഏറ്റവും ഉയർന്ന പ്രതിഫലം നൽകുവാനും കേരള ബ്ലാസ്റ്റേഴ്സ് റെഡ്യാണെന്നാണ് പുറത്ത് വരുന്ന വിവരങ്ങൾ. ട്രാൻസ്ഫർ നടക്കുകയാണെങ്കിൽ നിലവിലെ പല റെക്കോർഡുകളൂം തകർത്തെറിയപ്പെടും.
ചെന്നൈയിന് വേണ്ടി കളിച്ച് ഐഎസ്എൽ ഗോൾഡൻ ബൂട്ട് നേടിയിട്ടുണ്ട് ഈ ലിത്വാനിയൻ താരം. കഴിഞ്ഞ സീസണിൽ 15 ഗോളുകൾ ചെന്നൈയിന് വേണ്ടി വാൽസ്കിസ് നേടിയിട്ടുണ്ട്. ഇതിന് പുറമേ 6 ഗോളുകൾക്ക് വഴിയുമൊരുക്കി വാൽസ്കിസ്. ലിത്വാനിയൻ ദേശീയ ടീമിലെയും സ്ഥിര സാനിധ്യമാണ് വാൽസ്കിസ്. 2019ലാണ് ടെൽ അവീവ് ക്ലബ്ബായ ഹാപോയൽ ടെൽ അവീവിൽ നിന്നും ചെന്നൈയിലേക്ക് എത്തുന്നത്. അടുത്ത സീസണിൽ കിബു വികൂനക്ക് കീഴിൽ കിരീടം തേടിയീറക്കുന്ന ബ്ലാസ്റ്റേഴ്സിലേക്ക് വാൽസ്കിസിന്റെ വരവ് ഗുണകരമാവും.