കേരള ബ്ലാസ്റ്റേഴ്സിലേക്ക് മോഹൻ ബഗാൻ താരങ്ങളെ എത്തിക്കണമെന്ന് ആവശ്യപ്പെട്ട് ബ്ലാസ്റ്റേഴ്സിന്റെ പുതിയ ആശാൻ. മഞ്ഞപ്പടയുടെ പുതിയ പരിശീലകൻ കിബു വികൂനയാണ് ഈ അവശ്യവുമായി രംഗത്തെത്തിയത്. മുൻ മോഹൻ ബഗാന്റെ പരിശീലകനായിരുന്നു കിബു വികൂന. എന്നാൽ നിലവിൽ സിഡോഞ്ചയേയും ഒഗബ്ചെയേയും മെസ്സിയ്യ്യെയും നിലനിർത്താൻ തീരുമാനിച്ച ബ്ലാസ്റ്റേഴ്സ് മാനേജ്മെന്റ് കോച്ചിന്റെ ആവശ്യം അംഗീകരിക്കാൻ സാധ്യതയില്ല.
ഐ ലീഗ് കിരീടം കൊൽകത്തൻ ക്ലബ്ബിന് നേടിക്കൊടുത്ത മൂന്ന് മോഹൻ ബഗാൻ താരങ്ങളെ കൊച്ചിയിൽ എത്തിക്കണം ആവശ്യപ്പെട്ടിരിക്കുകയാണ് കിബു വികൂന. മോഹൻ ബഗാനെ ഐ ലീഗ് കിരീടത്തിലേക്കെത്തിച്ച മൂന്ന് വിദേശ താരങ്ങളെ വികൂന ആവശ്യപ്പെട്ടത്.
ഐ ലിഗ് ചാമ്പ്യന്മാരായ മോഹൻ ബഗാന്റെ താരങ്ങളായ ബാബ ദിവാര, ജൊസേബ ബെറ്റിയ, ഫ്രാൻ ഗോൺസാലസ് എന്നിവരെ എത്തിക്കാനാണ് വികുന ശ്രമിക്കുന്നത്. ഐ ലീഗിൽ ഈ സീസണിൽ 10 ഗോളുകൾ അടിച്ച താരമാണ് ബാബ. 9 അസിസ്റ്റും മൂന്ന് ഗോളും സംഭാവന ചെയ്തത് മറ്റൊരു താരം ജൊസേബ ബെറ്റിയയാണ്. ഫ്രാൻസ് ഗോൺസാലസ് 10 ഗോളും ഒപ്പം ഒരു അസിസ്റ്റും നൽകിയിട്ടുണ്ട് ഈ സീസണിൽ.