കേരള ബ്ലാസ്റ്റേഴ്സ് പരിശീലകൻ എൽകോ ഷറ്റോരിയെ കേരള ബ്ലാസ്റ്റേഴ്സ് പരിശീലക സ്ഥാനത്ത് നിന്ന് പുറത്ത് . സ്പോർടിങ് ഡയറക്ടറായി കരോലിസിന്റെ നിയമനം ആണ് ഷറ്റോരിയുടെ പുറത്തേക്ക് പോവലിന് കാരണം. കേരള ബ്ലാസ്റ്റേഴ്സ് റീബിൽഡീനാണ് കരോലിസിനെ എത്തിച്ചത്. കോച്ചിനേയും താരങ്ങളെയും മാറ്റി ബ്ലാസ്റ്റേഴ്സിനെ റീബിൽഡ് ചെയ്യാനാണ് ശ്രമം.
കഴിഞ്ഞ സീസണിൽ കേരള ബ്ലാസ്റ്റേഴ്സിന്റെ മത്സര ഫലങ്ങൾ ദയനീയം ആയിരുന്നു. നടക്കാതെ പോയ പ്രീസീസണേയും പരിക്കേറ്റ താരങ്ങളുടെ നീണ്ട ലിസ്റ്റും കാട്ടിയാണ് ഇതുവരെ ഷറ്റോരി കേരള ബ്ലാസ്റ്റേഴ്സ് ആരാധകരേയും മാനേജ്മെന്റിന്റെയും കണ്ണുകെട്ടിയത്. എങ്കിലും ഒരു വിഭാഗം ആരാധർക്ക് ബ്ലാസ്റ്റേഴ്സ് പ്രകടത്തിൽ വിശ്വാസമുണ്ടായിരുന്നു. ചില കളികളിൽ നല്ല പ്രകടനം ബ്ലാസ്റ്റേഴ്സ് പുറത്തെടുത്തിരുന്നു. ആതേ സമയം ഒരു സീസണും കൂടെ ഷറ്റോരിക്ക് നൽകിയാൽ കാര്യമായ മുന്നേറ്റം മഞ്ഞപ്പടക്ക് നടത്താൻ ആകുമെന്ന് ഒരു വിഭാഗം ആരാധകർ വിശ്വസിക്കുന്നുണ്ട്.