യുവന്റസ് സൂപ്പർ സ്റ്റാർ ഡിബാലക്ക് കൊറോണ ബാധിച്ചതായി റിപ്പോർട്ടുകൾ. യുവന്റസിന്റെ തന്നെ പ്രതിരോധനിര താരം ഡാനിയേൽ റുഗാനിക്ക് പിന്നാലെ അർജന്റീന സൂപ്പർ സ്റ്റാർ പൗലോ ഡിബാലയ്ക്കും കൊറോണ വൈറസ് ബാധ സ്ഥിരീകരിച്ചെന്ന് ഇറ്റലിയിൽ നിന്നും റിപ്പോർട്ടുകൾ വരുന്നു.
ലോകമെമ്പാടുമുള്ള ഫുട്ബോൾ ആരാധകർ ഇപ്പോൾ ആശങ്കയിലാണ്. യുവന്റസ് ടീമിപ്പോൾ നിരീക്ഷണത്തിലാണ്. യുവന്റസിലെ തന്നെ അർജന്റീനക്കാരനായ സഹതാരം ഗോൺസാലോ ഹിഗ്വെയ്നും നിരീക്ഷണത്തിലാണെന്നും ഇറ്റാലിയൻ മാധ്യമങ്ങൾ റിപ്പോർട്ട് ചെയ്യുന്നു. യുവന്റസ് പ്രതിരോധ താരം ഡാനിയേൽ റുഗാനിക്ക് കഴിഞ്ഞ ദിവസമാണ് കൊറോണ വൈറസ് ബാധ സ്ഥിരീകരിച്ചത്.
-Advertisement-