കേരളത്തിന്റെ ചാമ്പ്യന്മാരായി കേരള ബ്ലാസ്റ്റേഴ്സ്. കേരള പ്രീമിയർ ലീഗ് കിരീടം കേരള ബ്ലാസ്റ്റേഴ്സ് ഉയർത്തി. കേരള ഡെർബിയിൽ കലിപ്പടക്കി കപ്പടിച്ചത് ഗോകുലത്തെ പരാജയപ്പെടുത്തിയാണ്. നിശ്ചിത സമയത്ത് 3-3 നു സമനിലയിൽ കുരുങ്ങിയപ്പോൾ പെനാൽറ്റിയിലാണ് ബ്ലാസ്റ്റേഴ്സ് ജയം നേടിയത്. കേരള ബ്ലാസ്റ്റേഴ്സിന് വേണ്ടി ഇരട്ട ഗൊളുകൾ റൊണാൾഡോ നേടി, സാമുവൽ ലിംഗ്ദോഹ് മറ്റൊരു ഗോളുമടിച്ചു. അതേ സമയം ഗോകുലം കേരളക്ക് വേണ്ടി ഇരട്ട ഗോളുകൾ ഡാനിയൽ നേടിയപ്പോൾ ലാൽമുവൻസോവ ഒരു ഗോളടിച്ചു.
പിന്നിട് കളി എക്സ്ട്രാ ടൈമിലേക്കും അതിന് ശേഷം പെനാൽറ്റി ഷൂട്ടൗട്ടിലേക്കും പോയി. ഷൂട്ടൗട്ടിൽ ആദ്യ അഞ്ചു കിക്കുകളും ഇരുടീമുകളും വലയിൽ എത്തിച്ചതോടെ സഡൻഡെത്തിലേക്ക് കളി കടന്നു. ഗോകുലത്തിന്റെ എമിൽ ബെന്നിയുടെ കിക്ക് പാഴായപ്പോൾ മഞ്ഞപ്പടക്ക് കിരീടം ഉറപ്പായി. കേരള ബ്ലാസ്റ്റേഴ്സിന്റെ ആദ്യ കേരള പ്രീമിയർ ലീഗ് കിരീടമാണിത്. കേരള ബ്ലാസ്റ്റേഴ്സ് ക്ലബ്ബിന്റെ ചരിത്രത്തിലെ തന്നെ ആദ്യ കിരീടം കൂടിയാണിത്.