ബ്ലാസ്റ്റേഴ്സിന്റെ പ്രശ്നം ഗോൾ കീപ്പർമാർ. ഈ സീസനിൽ ഉയർന്ന് കേട്ട പ്രശ്നം അതായിരുന്നു. എന്നാൽ ഒന്നിന് പകരം രണ്ട് ഗോൾ കീപ്പർമാരെ എത്തിച്ചിരിക്കുകയാണ് കേരള ബ്ലാസ്റ്റേഴ്സ്. ആരാധകർടെ ആവശ്യപ്രകാരം കേരള ബ്ലാസ്റ്റേഴ്സ് മാനേജ്മെന്റ് രണ്ട് താരങ്ങളെ എത്തിച്ചു. യുവ ഗോൾ കീപ്പർമാരായ ആൽബിനോ ഗോമസും പ്രബ്ഷുകൻ ഗില്ലും ആണ് ബ്ലാസ്റ്റേഴ്സിലെക്ക് എത്തുന്നത്.
പ്രമുഖ മാധ്യമമാണ് ഇത് സംബന്ധിച്ച വാർത്ത പുറത്ത് വിട്ടത്. ഒഡീഷ എഫ് സിയിൽ നിന്നാണ് ആൽബിനോ ഗോമസ് ബ്ലാസ്റ്റേഴ്സിലേക്ക് രാഞ്ചുന്നത്. പരിക്ക് കാരണം നീണ്ട കാലമായി ഫുട്ബോൾ കളത്തിൽ നിന്ന് പുറത്തായിരുന്നു ആൽബിനോ ഗോമസ്. താരത്തിന്റെ തിരിച്ചുവരവിന് കളം ഒരുക്കുകയാണ് കേരള ബ്ലാസ്റ്റേഴ്സ്. ഇതിന് മുൻപ് ഐസോളിനെ ഐലീഗ് ചാമ്പ്യന്മാരാക്കുന്നതിൽ അതി പ്രധാനമായി നിന്ന താരമായിരുന്നു ആൽബിനോ ഗോമസ്. അതിന് പുറമേ മുംബൈ സിറ്റിയിലും ഗോമസ് കളിച്ചിട്ടുണ്ട്.
ചാമ്പ്യന്മാരായ ബെംഗളൂരു എഫ് സിയിൽ നിന്നാണ് ഗിൽ കേരള ബ്ലാസ്റ്റേഴ്സിൽ എത്തുന്നത്. രണ്ട് വർഷത്തെ കരാർ താരം അംഗീകരിച്ചിട്ടുണ്ട്. ബെംഗളൂരു എഫ് സിയിൽ അവസരങ്ങൾ കുറഞ്ഞതാണ് താരം ക്ലബ് വിടാൻ കാരണം. രണ്ട് ഗോൾ കീപ്പർമാരെ എത്തിച്ച് അടുത്ത സീസണിൽ കളി ഗംഭീരമാക്കാനാണ് കേരള ബ്ലാസ്റ്റേഴ്സ് തീരുമാനിച്ഛിരിക്കുന്നത്.