മഞ്ഞപ്പടയിൽ തിരിച്ചെത്താൻ ആഗ്രഹിക്കുന്നുവെന്ന് വെളിപ്പെടുത്തി സൂപ്പർ താരം. മഞ്ഞപ്പടയിൽ കഴിഞ്ഞ സീസണിൽ കളിച്ച വെസ് ബ്രൌണ്‍ ആണ് തന്റെ ആഗ്രഹം വെളിപ്പെടുത്തിയത്. മാഞ്ചസ്റ്റര്‍ യുണൈറ്റഡിനു വേണ്ടി പതിനാലു സീസണ്‍ ബൂട്ടു കെട്ടിയ താരമായ വെസ് ബ്രൌണ്‍ കഴിഞ്ഞ സീസണിലാണ് ദൈവത്തിന്റെ സ്വന്തം നാട്ടിൽ എത്തിയത്.
കഴിഞ്ഞ സീസണില്‍ റെനെ മ്യുളസ്റ്റീന്‍ പരിശീലകനായി എത്തിയതോടെയാണ് മുന്‍ മാഞ്ചസ്റ്റര്‍ യുണൈറ്റഡ് താരങ്ങളായ ബെര്‍ബറ്റോവ്, റഹൂബ്ക എന്നിവര്‍ക്കൊപ്പം വെസ് ബ്രൗണും ടീമിലെത്തിയത്. മാനേജ്‌മെന്റുമായി തെറ്റി റെനേ പുറത്ത് പോയെങ്കിലും വെസ് ബ്രൌണ്‍ ടീമിനൊപ്പം തുടർന്നു. യുണൈറ്റഡിലെയും സഹതാരമായ ബെര്‍ബറ്റോവ് നിലവിലെ കോച്ചായ ഡേവിഡ് ജയിംസിനെ രൂക്ഷമായി വിമര്‍ശിച്ച്‌ ടീം വിട്ടു പോയിരുന്നു.
-Advertisement-