കേരളപ്പെരുമ ഇനി നേപ്പാളിലും. മലപ്പുറത്തിന്റെ സ്വന്തം മുഹമ്മദ് ആസിഫാണ് മലപ്പുറത്തിന്റെ ഫുട്ബോൾ ചരിത്രമിനി നേപ്പാളിൽ രചിക്കുന്നത്. നേപ്പാൾ ദേശീയ ഫുട്ബോൾ ലീഗിലെ ചാമ്പ്യന്മാരായ മനം മർഷ്യാങ്ഡി ക്ലബ് എന്ന എം എം എസി ക്ലബുമായിട്ടാണ് യുവ സെന്റർ ബാക്കായ മുഹമ്മദ് ആസിഫ് കരാറിൽ എത്തിയിരിക്കുന്നത്. നേപ്പാളിന്റെ ദേശീയ ടീം ക്യാപ്റ്റൻ അടക്കം ഏഴു ദേശീയ താരങ്ങൾ കളിക്കുന്ന ക്ലബാണ് എം എം സി.
കൊൽക്കത്ത ഫുട്ബോൾ ലീഗിലെ തകർപ്പൻ പ്രകടനമാണ് ആസിഫിന് നേപ്പാൾ പരിശീലകരുടെ ശ്രദ്ധ നേടിക്കൊടുത്തത്. കൊൽക്കത്ത കസ്റ്റംസിന് വേണ്ടി കളിച്ച താരം ഒ എൻ ജി സിക്ക് ഒപ്പം മുംബൈ എലൈറ്റ് ഡിവിഷൻ കിരീടം ഉയർത്തിയിട്ടുണ്ട്. മലപ്പുറം വേങ്ങര സ്വദേശിയായ ആസിഫ് എം എസ് പിയിലൂടെ ആണ് വളർന്നു വന്നത്‌. 2012ൽ എം എസ് പി സുബ്രതോ കപ്പ് റണ്ണേഴ്സ് അപ്പായ ടീമിലും അംഗമായിരുന്നു.
-Advertisement-