കേരള ബ്ലാസ്റ്റേഴ്സിനെതിരെ ബിരിയാണി ട്രോളുമായി ബെംഗളൂരു എഫ്സി. കണ്ടീരവ സ്റ്റേഡിയത്തിൽ നിന്നും ബിരിയാണി ലഭിക്കാനുള്ള ഹോട്ടലുകളുടെ റോഡ് മാപ്പിട്ടാണ് ബ്ലാസ്റ്റേഴ്സ് ആരാധകരെ ബെംഗളൂരു ട്രോളിയത്. ബ്ലാസ്റ്റേഴ്സിനെതിരായ മത്സരത്തിൽ ബിരിയാണി നൽകി ആളെ കൂട്ടാൻ ബെംഗളൂരു എഫ്സി ആരാധകർ ശ്രമിക്കുന്നുവെന്ന പോസ്റ്റർ വെച്ച് ബ്ലാസ്റ്റേഴ്സ് ആരാധകർ ബെംഗളൂരുവിനെ മത്സരങ്ങൾക്ക് മുൻപ് ട്രോളിയിരുന്നു. ഏറ്റവുമധികം കാണികൾ ഇരമ്പിയെത്തുന്ന ഹോം സ്റ്റേഡിയമെന്ന ബ്ലാസ്റ്റേഴ്സിന്റെ റെക്കോർഡാണ് ബെംഗളൂരു ലക്ഷ്യം വെച്ചത്.
ബെംഗളൂരു ജേഴ്സിയണിഞ്ഞ് സ്റ്റേഡിയത്തിൽ എത്തണമെന്നാണ് ബെംഗളൂരു ആരാധകരുടെ ആഹ്വാനമാണ് പോസ്റ്ററിൽ ഉണ്ടായിരുന്നത്. സ്റ്റേഡിയത്തിൽ ജേഴ്സിയണിഞ്ഞെത്തുന്നവർക്ക് ബിരിയാണി നൽകുമെന്നും പോസ്റ്ററിൽ ഉണ്ടായിരുന്നു. കനത്ത ട്രോളുകളാണ് ബെംഗളൂരു എഫ്സി ആരധകർക്കന്ന് നേരിടേണ്ടി വന്നത്. ഇന്ന് ഛേത്രിയുടെ ഒരു ഗോളിനാണ് ബ്ലാസ്റ്റേഴ്സ് പരാജയപ്പെട്ടത്. മറുപടി നൽകാൻ അപ്നാ ടൈം ആയേങ്കാ എന്ന് മാത്രം ബ്ലാസ്റ്റേഴ്സ് ന്യൂസിന് പറയാനുള്ളൂ.