അപ്രതീക്ഷിതമായി ബ്രസീലിയൻ സൂപ്പർ താരം ജൈറോ പരിക്കേറ്റ് പുറത്തായത് ബ്ലാസ്റ്റേഴ്സിന് തിരിച്ചടിയായിരുന്നു. എന്നാൽ ഇപ്പോൾ പുറത്ത് വരുന്ന വാർത്തകൾ അനുസരിച്ച് ജൈറോ റോഡ്രിഗസിന് പകരക്കാരനെ കണ്ടെത്തിയിരിക്കുകയാണ് കേരള ബ്ലാസ്റ്റേഴ്സ്. മസെഡോണിയൻ പ്രതിരോധ താരം വ്ലാറ്റ്കോ ദ്രോബറോവാണ് കേരള ബ്ലാസ്റ്റേഴ്സിലേക്കെത്തുന്നത്.
വർഷങ്ങളുടെ കരുത്തുമായാണ് വ്ലാറ്റ്കോ ദ്രോബറോവ് കേരള ബ്ലാസ്റ്റേഴ്സിൽ എത്തുന്നത്. 27 കാരനായ മാസഡോണിയൻ താരം സൗദിയിലും മെക്സിക്കോയിലും സൈപ്രസിലും കളിച്ചിട്ടുണ്ട്. മികച്ച ഡിഫെൻസീവ് മിഡ്ഫീൽഡർ കുടിയാണ് ദ്രോബറോവ്. ഈ സീസണിൽ ഏറെ പ്രതീക്ഷകളുമായാണ് കേരള ബ്ലാസ്റ്റേഴ്സ് ജൈറോ അടക്കമുള്ള വിദേശ സൂപ്പർ താരങ്ങളെ ടീമിലെഥിച്ചത്. എങ്കിലും പരിക്ക് വില്ലനാവുകയായിരുന്നു.
ഒഡീഷയ്ക്ക് എതിരായ മത്സരത്തിൽ ആയിരുന്നു കേരള ബ്ലാസ്റ്റേഴ്സിന്റെ സെന്റർ ബാക്കായ ജൈറോയ്ക്ക് പരിക്കേറ്റത്. സീസൺ ആരംഭം മുതൽ പരിക്ക് സഹിച്ചായിരുന്നു ജൈറോ കളിച്ചിരുന്നത്. ജൈറോയ്ക്ക് പകരം ദ്രോബറോവിനെ എത്തിക്കുന്നതിനായി ഐ എസ് എൽ അധികൃതർക്ക് ബ്ലാസ്റ്റേഴ്സ് അപേക്ഷ നൽകിയിട്ടുണ്ട്.
കേരള ബ്ലാസ്റ്റേഴ്സിന്റെ പ്രധാന സെന്റർ ബാക്കുകളായ ജിങ്കൻ, സുയിവർലൂൺ എന്നിവരും നേരത്തെ പരിക്കേറ്റ് പുറത്തായിരുന്നു. ഇതോടെ സെന്റർ ബാക്കിൽ വിശ്വസ്ഥരായ ആരും ഇല്ലാത്ത അവസ്ഥയിലായി കേരള ബ്ലാസ്റ്റേഴ്സ്. വെറ്ററൻ താരം രാജു ഗെയ്ക് വാദും, യുവതാരം ഹക്കുവും ആകും ഇനി കേരള ബ്ലാസ്റ്റേഴ്സിന്റെ സെന്റർ ബാക്ക് പൊസിഷനിൽ കളിക്കാൻ സാധ്യത. ജൂലൈ മുതൽ കോണ്ട്രാക്റ്റിൽ ഇല്ലാത്ത ദ്രോബറോവിനെ മാറി പരീക്ഷിക്കാനും ഷറ്റോരി തയ്യാറായേക്കും. ബെംഗളൂരുവിനെതിരായ മത്സരത്തിനു മുന്നീടിയായി പകരക്കാരനെത്തും.