പരിക്ക് വീണ്ടും ബ്ലാസ്റ്റേഴ്സിന് വില്ലനാകുന്നു. വീണ്ടുമൊരു സൂപ്പർ താരം കൂടെ പരിക്കിന്റെ പിടിയിൽ. കേരള ബ്ലാസ്റ്റേഴ്സിന്റെ പ്രതിരോധതാരം ജൈറോ ദീർഘകാലം പുറത്തായിരിക്കും എന്ന് ബ്ലാസ്റ്റേഴ്സ് അറിയിച്ചു. ജൈറോയ്ക്ക് ഏറ്റ പരിക്ക് ഗുരുതരമാണെന്നും താരം മാസങ്ങളോളം പുറത്തിരിക്കേണ്ടി വരും എന്നുമാണ് ബ്ലാസ്റ്റേഴ്സ് പറയുന്നത്. ഈ സീസണിൽ ഇനി താരം കളിക്കാൻ ചാൻസില്ല.
ഒഡീഷയ്ക്ക് എതിരായ മത്സരത്തിൽ ആയിരുന്നു കേരള ബ്ലാസ്റ്റേഴ്സിന്റെ സെന്റർ ബാക്കായ ജൈറോയ്ക്ക് പരിക്കേറ്റത്. സീസൺ ആരംഭം മുതൽ പരിക്ക് സഹിച്ചായിരുന്നു ജൈറോ കളിച്ചിരുന്നത്. വിദഗ്ധ ചികിത്സ ആവശ്യമുള്ളത് കൊണ്ടാണ് താരം ഇനി ഈ സീസണിൽ കളിക്കുമോ എന്ന് സംശയമുള്ളത്. ജൈറോയ്ക്ക് പകരം ഒരു പുതിയ ഡിഫൻഡറെ എത്തിക്കും എന്ന് കേരള ബ്ലാസ്റ്റേഴ്സ് അറിയിച്ചു. ഇതിനായി ഐ എസ് എൽ അധികൃതർക്ക് അപേക്ഷ നൽകിയിട്ടുണ്ട്.
കേരള ബ്ലാസ്റ്റേഴ്സിന്റെ പ്രധാന സെന്റർ ബാക്കുകളായ ജിങ്കൻ, സുയിവർലൂൺ എന്നിവരും നേരത്തെ പരിക്കേറ്റ് പുറത്തായിരുന്നു. ഇനി ബ്ലാസ്റ്റേഴ്സിന്റെ പ്രതിരോധം ആര് കാക്കുമെന്നറിയാനാണ് ബ്ലാസ്റ്റേഴ്സ് കാത്തിരിക്കുന്നത്‌.