മലയാളികളുടെ സ്വന്തം ഐഎസ്എൽ ക്ലബ്ബ് കേരള ബ്ലാസ്റ്റേഴ്സ് ഹോം സ്റ്റേഡിയമായ കൊച്ചി വിട്ട് കോഴിക്കോടേക്ക് വരുന്നു. കൊച്ചിക്ക് പുറമേ കോഴിക്കോടും അടുത്ത സീസണിൽ മത്സരങ്ങൾ നടത്താനാണ് കേരള ബ്ലാസ്റ്റേഴ്സ് ഒരുങ്ങുന്നത്. കോഴിക്കോട്ടെ ഇ എം എസ് സ്റ്റേഡിയത്തിനെ ഇന്റർനാഷ്ണൽ ലെവലിലേക്കുയർത്തി ഐഎസ്എൽ മത്സരങ്ങൾ നടത്താനാണ് നീക്കം. കേരള കടുത്ത ഫുട്ബോൾ ആരാധകർ ഉള്ള മലബാർ റീജിയണിലേക്ക് ബ്ലാസ്റ്റേഴ്സ് വരുന്നത് ആരാധകർക്ക് ആവേശമായിട്ടുണ്ട്.
ജിസിഡിഎ,കെ എഫ് എ, കൊച്ചി നഗരസഭ എന്നിവരുമായുള്ള പ്രശ്നങ്ങളെ തുടർന്നാണ് ഇത്തരമൊരു കടുത്ത തീരുമാനത്തിലെത്താൻ കേരള ബ്ലാസ്റ്റേഴ്സ് തീരുമാനിച്ചത്. ബ്ലാസ്റ്റേഴ്സിനെ കേരളത്തിൽ നിന്നും പറിച്ച് നടാൻ കേരള ബ്ലാസ്റ്റേഴ്സ് മാനേജ്മെന്റിന് തീരുമാനമില്ല. നിലവിൽ ഗോകുലം കേരള എഫ്സിയുടെ ഹോം ഗ്രൗണ്ടാണ് കോഴിക്കോട്ടെ ഇഎംഎസ് സ്റ്റേഡിയം.
-Advertisement-