ഹോം ഗ്രൗണ്ടിൽ കേരള ബ്ലാസ്‌റ്റേഴ്‌സിനെ മലർത്തിയടിക്കുകയാണ് തങ്ങളുടെ ലക്ഷ്യമെന്ന് മുൻ ബ്ലാസ്റ്റേഴ്‌സ് കോച്ചും നിലവിലെ എടികെയുടെ പരിശീലകനുമായ കോപ്പലാശാൻ. ഇന്ത്യൻ സൂപ്പർ ലീഗിന് കൊടിയേറുന്നത് ബ്ലാസ്റ്റേഴ്‌സ് -എടികെ പോരാട്ടത്തിലൂടെയാണ്. ഹോം ഗ്രൗണ്ടിലെ ഫോമാണ് ഒരോ ടീമിന്റെയും ശക്തി. ഹോം ഗ്രൗണ്ടിലെ ആനുകൂല്യം ടീമുകൾ മുതലാക്കി തുടങ്ങണം എന്നും സ്റ്റീവ് കോപ്പൽ കൂട്ടിച്ചെർത്തു.
ഹോം മാച്ചുകൾ കോപ്പലാശാന്റെ കരുതായിരുന്നു. മഞ്ഞപ്പടയുടെ അമരത്തിരിക്കുമ്പോളും ഹോം മാച്ചുകളിൽ ശക്തമായ ആധിപത്യം കോപ്പലാശാന്റെ ബ്ലാസ്റ്റേഴ്‌സിനുണ്ടായിരുന്നു. ഇത്തവണ സാൾട്ലേക്ക് സ്റ്റേഡിയത്തിൽ ആരും ജയിക്കില്ല എന്ന് ഉറപ്പിക്കുമെന്നും കോപ്പൽ പറഞ്ഞു. എന്നാൽ ആശാനേ മലർത്തിയടിക്കാനുള്ള തന്ത്രങ്ങൾ മെനയുകയാണ് ബ്ലാസ്റ്റേഴ്‌സ് ക്യാമ്പ്
-Advertisement-