കേരള ബ്ലാസ്റ്റേഴ്സിന്റെ മെസ്യൂട്ട് ഓസിൽ സഹൽ അബ്ദുൾ സമദിനെ സമ്മർദ്ദത്തിലാക്കരുതെന്ന് ബ്ലാസ്റ്റേഴ്സ് കോച്ച് എൽകോ ഷറ്റോരി. കേരള ബ്ലാസ്റ്റേഴ്സിന്റെ യുവതാരം സഹൽ അബ്ദുൽ സമദിന് കൂടുതൽ സമ്മർദ്ദങ്ങൾ നൽകുന്നത് നല്ലതായിരിക്കില്ല എന്ന് ഷറ്റോരി പറഞ്ഞു. പ്രമുഖ ഇന്ത്യൻ മാധ്യമത്തിന് നൽകിയ അഭിമുഖത്തിലാണ് സഹലിനെ കുറിച്ച് ഷറ്റോരി പറഞ്ഞത്. ഒരോ ദിവസവും സഹലിനെ കുറിച്ച് പുതിയ പുതിയ ലേഖനങ്ങൾ വരികയാണെന്നും അത് അദ്ദേഹത്തിന് കൂടുതൽ സമ്മർദ്ദം നൽകുമെന്നും ഷറ്റോരി പറഞ്ഞു. യുവതാരങ്ങൾക്ക് സമ്മർദ്ദമല്ല കുടുതൽ അവസരങ്ങളാണ് വേണ്ടത്.
സഹലിന് കൂടുതൽ പരിശീലനവും സമയവും വേണമെന്നും എന്നാൽ മാത്രമെ സഹലിന്റെ യഥാർത്ഥ ടാലന്റും പൊട്ടൻഷ്യലും ഉപയോഗിക്കാൻ കഴിയു. സ്വർണത്തിന്റെ ഹുണ്ടികയിൽ ചില്ലറകാശിട്ട് വെക്കുകയല്ല വേണ്ടത്. മലയാളികളുടെ മാണിക്യമാണ് സഹൽ എന്നും അദ്ദേഹം പറഞ്ഞു. സഹലിന് ശരിക്കുള്ള പരിശീലനം ഇതുവരെ ലഭിച്ചിട്ടില്ല ഈ കുറവ് പരിഹരിക്കുമെന്നും ബ്ലാസ്റ്റേഴ്സ് പരിശീലകൻ പറഞ്ഞു.