കേരള ബ്ലാസ്റ്റേഴ്സിനെ ട്രോളി ഗോകുലം കേരള എഫ്സി. ട്വിറ്റർ ഹാന്റിലിലൂടെയാണ് ഗോകുലം ബ്ലാസ്റ്റേഴ്സിനെ ട്രോളിയത്. 2014 നു ശേഷം ഒരു കിരീടം നേടുന്ന ഏക കേരള ക്ലബ്ബാണ് ഡ്യൂറണ്ട് കപ്പ് ജേതാക്കളായ ഗോകുലം എന്ന് അവർ ട്വീറ്റ് ചെയ്തു. ഒഫീഷ്യൽ ഹാന്റിലിൽ നിന്നും 2014 നു ശേഷം എന്ന് സ്പെസിഫിക്കായി മെൻഷൻ ചെയ്തത് ബ്ലാസ്റ്റേഴ്സിനെ ട്രോളാൻ വേണ്ടി മാത്രമാണ്. 2014 മെയ് 14നാണ് ഇന്ത്യൻ സൂപ്പർ ലീഗ് ക്ലബ്ബായ കേരള ബ്ലാസ്റ്റേഴ്സ് രൂപം കൊള്ളുന്നത്.
പിന്നീട് 2017ൽ മാത്രമാണ് ഗോകുലം എഫ്സി എന്ന പേരിൽ ഗോകുലം കേരള എഫ്സി രൂപീകൃതമാകുന്നത്. കേരള ബ്ലാസ്റ്റേഴ്സിനെ ട്രോളാന്മാത്രമാണ് ഗോകുലം കെബിഎഫ്സി രൂപികൃതമായ വർഷം സൂചിപ്പിച്ചത്. വർഷങ്ങൾക്ക് ശേഷം കേരളത്തിലേക്ക് ഒരു കപ്പ് എത്തിക്കുന്നത് ഗോകുലം ആണ്. കപ്പ് ഇല്ലെങ്കിലും ചങ്ക് പറിച്ച് നൽകുന്ന ആരാധകക്കൂട്ടായ്മയാണ് ബ്ലാസ്റ്റേഴ്സിന്റെ ശക്തി. കപ്പ് കണ്ട് കൂടെകൂടിയവരല്ല ബ്ലാസ്റ്റേഴ്സ് ആരാധകർ എന്ന് ചുരുക്കം.