കേരള ബ്ലാസ്റ്റേഴ്സ് എഫ്സിയുടെ ഔദ്യോഗിക കിറ്റ് പാർട്ണറായി റേയാർ സ്പോർട്സിനെ പ്രഖ്യാപിച്ചു. ഐഎസ്എല്ലിന്റെ 2019- 2020 സീസണിലേക്കാണ് റേയാർ സ്പോർട്സ് കെബിഎഫ്‌സിയുടെ കിറ്റ് പാർട്നറായി എത്തുന്നത്. ടീം കിറ്റുകൾ, ട്രാവൽ വെയർ റെപ്ലിക്ക, ഫാൻ ജേഴ്സികൾ, തിരഞ്ഞെടുക്കപ്പെട്ട ക്ലബ്‌ മെർക്കന്റയിസുകളായ സ്കെർവേസ്‌, ഹെഡ് വെയർ ക്യാപ്സ് , സ്ലിങ് ബാഗുകൾ, ഫ്ലാഗ്ഗുകൾ എന്നിവ ക്ലബ്ബിനായി റേയാർ നൽകും.
ഐ എസ് എല്ലിൽ ഏറ്റവുമധികം ആരാധകരുള്ള ഫുട്ബോൾ ക്ലബ്ബായ ബ്ലാസ്റ്റേഴ്സുമായി പങ്കാളിത്തത്തിൽ ഏർപ്പെടുവാനാണ് ഇപ്പോൾ റേയാർ സ്പോർട്ട്സ് ഒരുങ്ങുന്നത്.
ഗുണമേന്മ, നിറം, രൂപകൽപ്പന എന്നിവയിലാണ് ഞങ്ങളുടെ പങ്കാളി റേയാർ സ്പോർട്സ് ശ്രദ്ധ കേന്ദ്രീകരിക്കുന്നത്. കളിക്കാർക്കും ആരാധകർക്കും തുല്യ അളവിൽ ആസ്വദിക്കുന്ന ഒന്നാണ് കിറ്റ് എന്ന് ഞങ്ങൾ പ്രതീക്ഷിക്കുന്നതായി കേരള ബ്ലാസ്റ്റേഴ്സ് എഫ്‌സി സിഇഒ വിരേൻ ഡി സിൽവ പറഞ്ഞു.
ഗാർമെന്റ്സ്, മെർക്കന്റൈസ് നിർമ്മാണ വിതരണ ലൈസൻസുള്ള കമ്പനിയായ ബേ ക്രിയേഷൻസിന്റെ അനുബന്ധ സ്ഥാപനമാണ് റേയാർ സ്പോർട്സ്. പ്രീമിയം ഗുണനിലവാരമുള്ള കോർപ്പറേറ്റ്, ഇവന്റ്, ടൂർണമെന്റ്, സ്പോർട്സ് വസ്ത്രങ്ങൾ എന്നിവയുടെ നിർമ്മാണത്തിൽ ഇവർ മികച്ച സേവനം വാഗ്ദാനം ചെയ്യുന്നു.