മലയാളി ഫുട്ബോൾ ആരാധകർ കാത്തിരിക്കുന്ന കേരള ഡെർബിക്ക് കളമൊരുങ്ങുന്നു. പുറത്ത് വരുന്ന വാർത്തകൾ അനുസരിച്ച് കേരള ബ്ലാസ്റ്റേഴ്സ് – ഗോകുലം കേരള എഫ്സി പോരാട്ടത്തിന് അരങ്ങൊരുങ്ങുന്നു. കേരള ഫുട്ബോൾ അസോസിയേഷൻ ഒരു പ്രീസീസൺ ടൂർണമെന്റ് നടത്താനുള്ള ചർച്ചകൾ നടത്തുന്നതായാണ് ലഭിക്കുന്ന വിവരങ്ങൾ. നാലു ടീമുകൾ അടങ്ങുന്ന ഒരു ടൂർണമെന്റാണ് കെ എഫ് എ ലക്ഷ്യമിടുന്നത്.
ബ്ലാസ്റ്റേഴ്സ്, ഗോകുലം പിന്നെ സന്തോഷ് ട്രോഫിക്കായുള്ള ബിനോ ജോർജ്ജിന്റെ ടീം ഇവർക്ക് പുറമേ ഐ ലീഗ് ചാമ്പ്യന്മാരായ ചെന്നൈ സിറ്റി എഫ്സി എന്നിവരെ ഒന്നിപ്പിച്ചൊരു ടൂർണമെന്റാണ് കെഎഫ്എ ലക്ഷ്യം വെക്കുന്നത്. എറണാകുളം മഹാരാജാസ് സ്റ്റേഡിയം ആകും ടൂർണമെന്റിന് വേദിയാവുക. ഏറെ നാളത്തെ ബ്ലാസ്റ്റേഴ്സ് ആരാധകരുടെ കാത്തിരിപ്പാണ് ഗോകുലവും ബ്ലാസ്റ്റേഴ്സും തമ്മിലേറ്റുമുട്ടുന്ന കേരള ഡെർബി.
-Advertisement-