ലോകകപ്പ് യോഗ്യത മത്സരത്തിൽ ഏഷ്യൻ ചാമ്പ്യന്മാരായ ഖത്തറിനെ തളച്ച് ഇന്ത്യ. മത്സരം അവസാനിക്കുമ്പോൾ ഇരു ടീമുകളും ഗോൾ രഹിത സമനിലയിലാണ്. ക്യാപ്റ്റൻ സുനിൽ ഛേത്രി ഇല്ലാണ്ടിറങ്ങിയ ഇന്ത്യ പ്രതിരോധത്തിലെ മികവ് കൊണ്ട് ഖത്തറിനെതിരെ മതില് തീർത്തു. കേരള ബ്ലാസ്റ്റേഴ്സിന്റെ യുവതാരം സഹൽ അബ്ദുൾ സമദിന്റെ വെടിക്കെട്ട് പ്രകടനം എടുത്ത് പറയേണ്ടതാണ്. ഇത് പുതിയ ഇന്ത്യയാണ് സ്റ്റിമാചിന്റെ ഇന്ത്യ. ഏഷ്യൻ ചാമ്പ്യന്മാരെ കുരുക്കിട്ട് പിടിച്ച് തളച്ച ഇന്ത്യ.
ഗുരുപ്രീത് ദ് ഗ്രേറ്റ് ഇന്ത്യൻ വാൾ ഇന്ത്യയുടെ സാധ്യതകൾ വർദ്ധിപ്പിച്ചു. അൽമോസ് അലിയും സംഘവും പഠിച്ചപണി പതിനെട്ടും പയറ്റിയിട്ടും ഇന്ത്യക്കെതിരെ ഗോളടിക്കാൻ കഴിഞ്ഞില്ല. ആദിൽ ഖാൻ, ജിങ്കൻ തുടങ്ങിയവർ ഡിഫൻസിൽ ഇതിഹാസമെഴുതി. ഡിഫെൻസിൽ കോൺസട്രേറ്റടായ ഇന്ത്യ അക്രമിക്കാനധികം ശ്രമിച്ചില്ല. കഴിഞ്ഞ 8 മത്സരങ്ങളിൽ ഏഷ്യൻ എതിരാളികൾക്കെതിരെ 25 ഗോളുകൾ അടിച്ച് തകർത്ത ഖത്തറിനെയാണ് ഇന്ത്യ സമനിലക്കുരുക്കിട്ട് പിടിച്ചത്.